Lexoni edhe:
Dodik: S’jam budalla që ta luaj të fortin përballë Amerikës
Shkruan: ANALISTI- Dardan Grapci
Dobësia më e madhe e funksionimit të shtetit të Kosovës, për gjithë këto dy dekada që po mbeten mbrapa, e sidomos pas shpalljes së pavarësisë, është tek mos funksionimi ligjor e kushtetues, i pa varur e profesional, i autoriteteve të drejtësisë në luftën kundër korrupsionit. Këtë konstatim e bazoj në faktin se është shumë lehtë që kapen e po bien në gracka të mitos e të ryshfetit. Për tu ndaluar korrupsioni në Drejtësi duhet urgjentisht të fillohet me zbatimin e një procesi të pastrimit me shkallë të institucioneve të drejtësisë, duke ashpërsuar përgjegjësit individuale disiplinore për secilin zyrtar, sepse nuk ka kohë për të humbur e për të pritur Vettingun derisa të procedohet nga Qeveria , të diskutohet dhe aprovohet zyrtarisht nga Kuvendi i Kosovës.
Dodik: S’jam budalla që ta luaj të fortin përballë AmerikësLexoni edhe:
Kosova i ka ligjet e forta dhe shumë premtuese, por individët që po merren me këtë fushë ia kanë humbur kahen dhe e kanë bërë Gjyqësorin vegël në duar të grupeve kriminale të interesit, duke i përdorë ligjet dhe mos zbatimin e tyre edhe për lirimin e kriminelëve dhe të shkelësve ordiner të ligjit. Gjyqësori duhet të pavarësohet krejtësisht nga politika, duhet të pavarësohet nga mafia e krimo-politikës, ku sa më shpejtë duhet të fillohet me kapjen me “rrjetin” e gjuajtjes së peshqve të mëdhenjtë pa u menduar dy herë. Drejtësia duhet të fillon të rindërtohet nga fillimi me pastrimin e prokurorisë dhe të gjyqësorit, duhet ti largoj dhe arrestoj ata gjyqtar të cilët e kanë keqpërdorur pozitën e tyre për gjithë kohën sa kanë qenë në detyrë. Nëse veç ne po themi se ligji vlen për të gjithë, pse atëherë po ka dallime? Prandaj ka ardhur koha që të pastrohen nga sistemi ata që bëjnë lëshime dhe shkelje të ligjit, duhet të arrestohen të gjithë ata që janë kundër ligjit dhe që kanë abuzuar me ligjin dhe janë pasuruar duke përfituar nga abuzimi i ligjit.
Shkrimet në këtë rubrikë nuk shprehin qëndrimet e gazetës "Kosova Sot Online".