Shteti i Kosovës me 10 mijë policë të mobilizuar, një gardë e dështuar përballë krimit të organizuar!

Shkruan: ANALISTI - Hasan Preteni

Policia e Kosovës nuk i ka zbuluar deri më tani më shume se 450 të vrasjeve të ndodhura pas luftës. Policia gjithashtu, nuk i ka zbuluar disa raste të zhdukjeve të personave! Sa trajnimet, sa ndryshimet kadrovike, sa mjetet profesionale, sa mjete financiare të shpenzuara dhe asgjë. Policia po i zbulon disa skema të fajdeve, por asnjë zbulim si rezultat i hetimeve të sofistikuara inteligjente.

- Është një maksimë e cila e tregon këtë: Nëse ndodhë ndonjë krim dhe nuk zbulohen autorët atëherë pas atij krimi qëndron shteti apo grupet jo formale të lidhura me shtetin".

Lexoni edhe:

Prokuroria e dështuar me duart lart, po dorëzohet para krimit të organizuar dhe parave të pista!

Nuk ka shpjegim tjetër,në një territor kaq të vogël, siç është Kosova me rreth 10.000 police, e kaq pak zbulime të krimit,kjo është e pa tolerueshme. Kjo polici e kjo prokurori nuk po ju shkojnë deri në fund as hetimeve kur po i kanë disa prova ( rastet e korrupsionit) dhe nuk po i shkojnë deri në fund. Në këtë Kosovën e shekullit 21 ende po përdoret kanuni (vetgjyqesia), i cili në fakt po është më "efikas" se shteti i së drejtës. Qytetarët duhet të kujdesen shumë që të mos jenë pre e shkelësve të ligjit sepse do të mbesin vetëm,askush nuk do t’i zbulon!

Shkrimet në këtë rubrikë nuk shprehin qëndrimet e gazetës "Kosova Sot Online".