Lufta për botën serbe (kryqin serb) është rrezik për shqiptarët
Muhamet Kelmendi
Shkruan: ANALISTI- Muhamet Kelmendi
-Teoria ideopolitike e shtetit serb është krijuar shume herët, por ka marr dimensionin e vetë, kryesisht në kohën e Milloshevicit. Ai pati deklaruar: "Aty ku jeton një serb në Jugosllavi është Serbi". Me këtë ide u zhvillua lufta në Kroaci, në Bosnjë e Hercegovinë, në Kosovë. Po me këtë ideologji u veprua edhe në Maqedoninë e Veriut dhe në Malin e Zi. Tash, kjo "botë serbe" nëpërmjet " luftës per kryq", ka të njëjtin qëllim, atë të realizimit të shtetit të madh serb në Ballkan. "
Lufta për kryq" është duke u zhvilluar tash e 20 vjet pas luftës së fundit në Kosovë nga kisha serbe. Në çdo liturrgji nga priftërinjtë serb dëgjohet: Kosova është nëna e shtetit serb" apo " Nuk mund të lëshohet në duar të shqiptarëve kisha e Car Dushanit" ose "Kosova është djepi serb" apo "Në Kosovë është trashëgimia kishtare serbe" etj. Ideologjia e tillë udhëhiqet nga një qendër serbe. Ajo gjendet në Beograd dhe përkrahet fortë dhe ashpër nga Rusia dhe Kina. Po me këtë ideoligji, krimineli Dodik po vepron në Bosnjë e Hecegovinë. Mbi bazën e tillë uorganizuan demonstrata në Mal të Zi. Në Kosovë veprohet me armë, me krim të organizuar, me kishë dhe me bllokime të rrugëve e të qyteteve.
Kudo po del lufta për " kryq" në luftë për shtetin e madh serb. Ideologjia e tillë me qëllim ka kaluar tërësisht te feja. Kjo, në njërën anë dhe, në anën tjetër, veprimet politike të shtetit serb, kuptohet ndaj shteteve tjera, si dhe armatimi i madh dhe i gjithanshëm i Serbisë, përbënë rrezik permanent për luftë të re në Ballkan. Serbia e din se me " luftën për kryq" nuk realizohet ideja e vjetër serbe për shtetin e madh serb. Mirëpo, kjo po iu shërben për të ngritur racizmin nacional fashist serb ndaj popujve tjerë të Ballkanit. Kështu është ngritur urrejtja serbe ndaj shqiptarëve, kroateve bosanëve e të tjerëve.
Deri edhe urrejtja ndaj malazezve. Jashtë kanë mbetur sllavomaqedonët, të cilët nga Serbia konsiderohen të shtetit të tyre. Ideja " ku është një serb - është Serbi" e Milloshevicit ka zënë vend te pasardhësit e tij, të kriminelit Vuçiq e Daçiq, sikundër edhe të kisha serbe në Kosovë, në Mal të Zi dhe në Bosnje e Hercegovinë. Për atë është lansuar ideja e " botës serbe". Kjo nuk është asgjë tjetër, përveq ideja e kahmotshme: " Ku është një serb-është Serbi".
Realizimi i kësaj ideologjie serbe nuk bëhet lehtë. Nuk realizohet me "luftën për kryq". Ajo bëhet me bashkëveprim të "luftës për kryq" me luftën e armatosur. Për këtë po armatoset shteti serb me armë nga Rusia dhe Kina. Ato nuk blihen a dhurohen për shtetin serb për zogj, por për luftë kundër shqiptarëve dhe bosanëve, mundet edhe kundër malazezëve e kroatëve. Këtu është qëllimi i klikës raciste serbe. Tehu i parë i konfrontimit është Kosova dhe Bosnja e Hercegovina. Priten ç’rregullime edhe në Malin e Zi.
Shkrimet në këtë rubrikë nuk shprehin qëndrimet e gazetës "Kosova Sot Online".