Janë të uritur këta nëpunës në institucionet publike!

Shkruan:ANALISTI: Dardan Grapci

Nuk jam kundër  ligjeve të cilat e rregullojnë dhe precizojnë në mënyrë meritore fushën e pagave dhe sigurimeve shëndetësore, por shtrohet pyetja pse nuk janë aprovuar këto dy ligje gjatë mandatit të PDK-s dhe LDK-s dhe pastaj gjatë koalicionit PAN? Në fakt këto dy ligje “aksidentalisht” kanë  qenë miratuar në Kuvend të Kosovës para dy mandateve , në qeverisjet e kaluara. Por ata që i miratuan dhe dështuan me këto ligje duhet të tregojnë pse nuk kanë hyrë në fuqi dhe pse nuk u zbatuan.

Lexoni edhe:

E ngarkuara me punë në ambasadën e Kosovës në Izrael takon ambasadorin amerikan në Jerusalem

Unë  mendoj që para se ti bëhet presion Qeveris Kurti për ti sjell në Kuvend  dhe votuar këto dy ligje , se pari duhet të miratohet vendimi  për pagën minimale në  nivelin 400- 500 euro si dhe rritja e pensioneve nga 100 në 150. Vetëm kur të aprovohen këto dy vendime  ato pastaj inkorporohen në ligje, sepse   kanë të bëjnë me ekonominë familjare. Jo vetëm kaq, por opozita dhe Qeveria duhet ta kenë nën kontroll të përbashkët fushën e çmimeve. Dhe vetëm pasi të merren dy vendimet, ai për pagat dhe tjetri për pensionet,  atëherë duhet të bëhet kërkesë publike nga qytetarët dhe sindikalistët  për uljen e çmimeve në Kosovë, çmimeve të të gjitha  produkteve, duke mos e anashkaluar por trajtuar me prioritet edhe çmimin e  naftës, me çka do të arrihej vendosja e e një rregulli funksional  institucional. Pas këtyre veprimeve mendoj që do  të ishte më shumë në favor që të aprovohen dhe miratohen ne Kuvend ligji për paga dhe  ai për Sigurime shëndetësore.

Është për tu habitur me këta zyrtarët e shtetit se si nuk ju vjen turp të kërkojnë ligj për paga të mëdha , kur dihet që pagat i kanë mbi 2000 euro. Ligji për sigurimet shëndetësore  duhet të punohet po ashtu me kujdes sepse  gati asnjë institucion publik nuk e kryejnë detyrën sipas ligjit por vetëm kur dikush ju jep ekstra para për shërbime jashtë institucionale. Kur i shohim të gjitha këto probleme nga e kaluara, protestat e planifikuar për ditën e premte duhet të anulohen, dhe të kërkohet nga qytetarët e Kosovës mos të futen në grackën e kriminelëve politik, por le të distancohen nga këto protesta.

Shkrimet në këtë rubrikë nuk shprehin qëndrimet e gazetës "Kosova Sot Online".