Mjaftë me politikanët hajdut të shtetit me maska patriotike, koha është për gjenerata të reja të ndershme politike  

Shkruan:ANALISTI – Skënder Mulliqi

Nuk patëm dinamikë dhe as veprime dialektike si rast i mirë që të ecim në hap më kohën. U ngulfatëm duke mos gjetur  alternativa të duhura. Në këtë hapësirë të ngulfatur politike dhe kulturore , na goditën shumë  të liga, edhe morale e psikologjike. U lanë anash interesat shtetërore e nacionale , madje u vu në peshore edhe sovraniteti dhe integriteti territorial I Kosovës. Zunë vend manipulimet , kriminaliteti dhe korrupsioni që na varfëruan .

Lexoni edhe:

Parashikimi i motit për sot

Kosovës i duhet drita, jo errësira!  Vitet e 90-ta te shekullit të kaluar ishin vitet e konfliktit dhe të luftës. Nga ajo kohë kanë kaluar shume vite të cilat determinojnë të kaluarën dhe të tashmen. I lamë mbrapa gjitha këto vite , jo bash  të mira, por megjithatë jemi gjallë. Marrëdhëniet ,  narracioni ndaj luftës dhe pesha e saj, sikur janë pika qendrore e gjithë e ndodhive edhe  të tashme , edhe pse do të ishte dashur të merremi me dimensionet e jetës të cilën nuk po e bëjmë ende ashtu siç e dëshirojmë. Ende  nuk jemi larguar nga  vitet e 90-ta, tragjike për shqiptarët nga agresioni I shfrenuar serbomadh .Këtu ka një të vërtetë e jo ndryshe. Edhe pse gjendemi  bukur larg nga ajo kohë, nuk hulumtuam , nuk gjetëm mjete, nuk patëm dije , e as nuk morëm përvojë që ta rregullojmë ashtu si duhet jetën  shoqërore dhe politike. Nuk patëm kreativitet dhe as unitet , që ti përballemi më krizat politike , ekonomike dhe sociale , e as të zhvillohemi e që i patëm dhe i kemi të gjitha predispozitat. Na mungojë strategjia , së nuk kishim strategë dhe as njerëz të duhur për politikë bërje. Krizat dhe goditja nga pandemia globale , na e qiti arpallakun nga të katër anët. Dolën në sipërfaqe e gjithë mos gjeturia, padituria dhe malicioziteti i kastës politike që ishin në pushtet  krejt pas luftën. U veprua sikur të ishte primare dominimi i njërit mbi tjetrin apo një partie politike mbi partinë tjetër. Kështu mbetem duke u sjellë në rrethin vicioz, duke mbetur shumë mbrapa proceseve zhvillimore dhe proceseve demokratike. Nuk patëm dinamikë dhe as veprime dialektike si rast i mirë që të ecim në hap më kohën. U ngulfatëm duke mos gjetur  alternativa të duhura. Në këtë hapësirë të ngulfatur politike dhe kulturore , na goditën shumë  të liga, edhe morale e psikologjike. U lanë anash interesat shtetërore e nacionale , madje u vu në peshore edhe sovraniteti dhe integriteti territorial I Kosovës. Zunë vend manipulimet , kriminaliteti dhe korrupsioni që na varfëruan . Jemi lodhur nga padrejtësitë , të cilat kanë rezultuar më largime masovike të rinjve nga vendi.  Me shumë zuri vend terri së sa drita mbi nën qiellin e Kosovës .Me në fund erdhëm në një situatë të një gjenerate të re politike , të cilët shpresojmë që do të janë e ardhmja e këtij vendi, një gjeneratë e cila është votuar  më plebishit ,dhe të cilës i  është dhënë besimi për ndryshime përmbajtjesore në mbarë sistemin. Kjo e ka rastin e heqjes së kundërthënieve të gjeneratës së kaluar. Është koha e kapërcimit të pikëpamjeve partiake dhe  ideologjike, si dhe ndarjeve mbi baza regjionale e krahinore, të cilat po theksohen. Është koha që retorika , idetë  retrograde nga e kaluara komuniste të mbesin mbrapa. Nuk guxojnë të na përcjellin pa vartësitë dhe jo lojaliteti karshi interesave nacionale, sidomos kur bëhet fjalë  për vazhdimin e dialogut më Serbinë. Mos uniteti dhe gabimet apo lëshimet  e mundshme , janë të pafalshme  dhe janë fatale.  

Shkrimet në këtë rubrikë nuk shprehin qëndrimet e gazetës "Kosova Sot Online".