Qershori, afati real i arritjes së marrëveshjes për normalizim mes Kosovës dhe Serbisë

Shkruan:ANALISTI- Blerim Burjani 

Për të arritur deri te ky moment ka mbetur edhe  pak rrugë, e në këtë agjendë janë edhe zgjedhjet në veri  dhe  themelimi i asociacionit, për ta fituar pastaj  edhe një lloj njohje normalizuese për Kosovën nga Serbia. Kosova gjendet para një momenti vendimtar historik që duhet të anëtarësohet edhe në Këshillin e Evropës, dhe në disa forume dhe organizata ndërkombëtare. E krejt në fund të këtij procesi, pra arritjes së marrëveshjes për normalizim dhe zbatim nga të dyja palët,  Kosova duhet të njihet edhe nga ato vende të BE-së që nuk e njohin deri tash, si nga Greqia, Sllovakia, Qipro dhe Rumania.

-Bashkimi Evropian  ende po  konsideron se Qeveria e Kosovës nuk i ka kryer të gjitha  punët apo detyrat e përcaktuar për shtensionimin e situatës  në veri të Kosovës. Pra kjo është arsyeja pse BE-ja  ende nuk ka nxjerr  ndonjë përfundim lidhur me këtë çështje, kushtet dhe detyrat që i ka përcaktuar në raport me situatën e krijuar atje. Realiteti për situatën në veri duhet pranuar. Atje situata  tash është shumë më e mirë se sa që ishte në të kaluarën, por vendimi për ta dhënë vlerësimin e plotë  është i BE-së, dhe le të  shpresojmë se ky delegacion  do të vjen dhe do të jep ndonjë lajm të mirë  edhe në temën e largimit të masave  që janë shpallur ndaj Kosovës. Masat është dashtë të largohen menjëherë pas rastit të Banjskos sepse ishte pikërisht ky rast që e dëshmoi pa asnjë dilemë se janë  elementët  terrorist serb dhe shërbimet sekrete të Serbisë ato që po e  destabilizojnë situatën në veri dhe madje po e rrezikojnë edhe  sigurinë e qytetarëve të atjeshëm, duke ushtruar presin mbi ta, duke i penguar që të jetojnë normalisht në shtetin e Kosovës të integruar.

Lexoni edhe:

Sulmi terroristë në Banjskë e zbuloi lakuriq fytyrën dhe politikën e vërtetë agresore të Serbisë

Sidoqoftë dialogu  për të arritur një marrëveshje obligative të zbatimit nga të dyja palët po shkon drejtë fundit. Në këtë rrafsh  dy gjëra janë kruciale. E para themelimi i asociacionit dhe njohja në një formë e legjitimimit të Republikës së Kosovës nga Serbia. Me këtë agjendë dinamike ndërkombëtare dhe presionin që po i bëhet Serbisë,  pres që  në këtë gjashtë mujor të parë të këtij viti të ndodhë një hap i rëndësishëm i  normalizimit të raporteve . Pra konsideroj se deri në qershor do të te ndodhe normalizimi. Një  përfundim pozitiv i një zhvillimi  të dialogut maratonik ,  me një konstatim përfundimtar për atë që është zhvilluar dhe dakorduar prej vitesh, pres që të  rrumbullakësohet me një pajtim për  një normalizim në kuptimin e  relaksimit të thellë të relacioneve Kosovë –Serbi. Për të arritur deri te ky moment ka mbetur edhe  pak rrugë, e në këtë agjendë janë edhe zgjedhjet në veri  dhe  themelimi i asociacionit, për ta fituar pastaj  edhe një lloj njohje normalizuese për Kosovën nga Serbia.

Kosova gjendet para një momenti vendimtar historik që duhet të anëtarësohet edhe në Këshillin e Evropës, dhe në disa forume dhe organizata ndërkombëtare. E krejt në fund të këtij procesi, pra arritjes së marrëveshjes për normalizim dhe zbatim nga të dyja palët,  Kosova duhet të njihet edhe nga ato vende të BE-së që nuk e njohin deri tash, si nga Greqia, Sllovakia, Qipro dhe Rumania. Pres po ashtu njohje edhe nga Moldavia. Vetëm nga Spanja  mendoj që edhe për një kohë më të gjatë do të presim sepse ka më shumë rezerva  dhe  mbetet pa e njohur Kosovën.

Shkrimet në këtë rubrikë nuk shprehin qëndrimet e gazetës "Kosova Sot Online".