Lidhja e sistemit të drejtësisë me rrjetet e krimit të organizuar është për tu alarmuar

Shkruan:ANALISTI- Hasan Preteni

Harxhohen lek,humbet kohë,marrin mëditje e paga të majme dhe në fund gjithçka dështon-vjetërsohet. Asnjë rast i krimit të organizuar nuk e ka marrë epilogun dënues. Zvarritje e tërheqje taktike në pafundësi. Mund të ketë punë edhe për monitoruesit e "gjyqësorit"që ndonjë OJQ të bënë ndonjë analizë,tryezë diskutimesh, storie televizive apo material për portalet e kriminalizuar.

-Rasti më i freskët i zvarritjes me qëllim të dështimit në procesin gjyqësor rreth super abuzimit me detyrën zyrtare, shkeljes së ligjit dhe shpërdorimeve që ka bërë ish kryetari i Komunës së Leposaviqit me të tjerët anëtar të grupit zhvatës e shpërdorues të kompetencave dhe pasurisë së shtetit, është edhe një dëshmi që fletë se krimi nuk e njeh as gjuhën,as besimin e as etninë. Krim i organizuar në vepër. Një element tjetër është se ky rast nuk do të përfundon kurrë është edhe numri i madh i personave të akuzuar. Praktika na rikujton se kur ka shumë të akuzuar dhe shumë të paditur,shumë avokat e shumë procedura, rasti nuk do të përfundon kurrë. Njëherë mungon një gjyqtar nga paneli, herën tjetër avokati, pastaj të akuzuarit e kështu me radhë. Ka raste kur ish gjyqtar dhe ish prokurorë, tani janë angazhuar si avokat. Ujq të vjetër janë ata dhe i njohin të gjitha hapësirat se ku duhet atakuar-goditur.

Lexoni edhe:

Ora e fundit për një konsensus nacional që Kosova ta zë trenin në ikje për anëtarësim në KiE

Praktika tjetër na dëshmon se asnjë rast me shumë të akuzuar nuk ka përfunduar pa u vjetërsuar. (toka,veteranët,stendat...). Harxhohen lek,humbet kohë,marrin mëditje e paga të majme dhe në fund gjithçka dështon-vjetërsohet. Asnjë rast i krimit të organizuar nuk e ka marrë epilogun dënues. Zvarritje e tërheqje taktike në pafundësi. Mund të ketë punë edhe për monitoruesit e "gjyqësorit"që ndonjë OJQ të bënë ndonjë analizë,tryezë diskutimesh, storie televizive apo material për portalet e kriminalizuar dhe ... Derisa të instalohet transparenca, llogaridhënia dhe meritokracia në kuptimin e plotë të fjalës,nuk do të kemi as sistem të mirëfilltë as drejtësi e as besim të " pushteti i tretë" gjyqësori.

Shkrimet në këtë rubrikë nuk shprehin qëndrimet e gazetës "Kosova Sot Online".