Kush dhe çka fitoi mbrëmë në Brit Awards
Ka përfunduar ndarja e çmimeve Bri Awards ku të pranishëm ishin emra të mëdhenj të muzikës.
Plot 12 çmime u dhanë për këngët, artistët dhe grupet më të arritura të vitit.
Për të dytin vit radhazi, në këtë mbrëmje u shpërblye me çmim edhe këngëtarja shqiptare me famë botërore, Dua Lipa.
Ajo triumfoi në kategorinë e “Artistes më të mirë të zhanrit Pop/R&B”, duke lënë prapa emrat e njohur si: Ed Sheeran, Adele, Griff dhe Joy Crookes.
Pa dyshim mbretëresha e mbrëmjes ka qenë Adele, si artistja më e vlerësuar në edicionin e sivjetmë me gjithsej tri çmime të rëndësishme: “Artisti i vitit”, “Kënga më e mirë e vitit” (për këngën “Easy On Me)” dhe “Albumi më i mirë i vitit” (për albumin “30”).
Lista e plotë e fituesve:
-Kënga më e mirë e vitit – Adele, “Easy On Me -—
-Kënga më e mirë ndërkombëtare e vitit – Olivia Rodrigo, “Good 4 U”
-Artisti më i mirë i zhanrit Pop/R&B – Dua Lipa
-Artisti më i mirë i zhanrit ‘rock’ dhe alternative – Sam Fender
-Artisti më i mirë i zhanrit ‘dance’ – Becky Hill
-Grupi më i mirë i vitit – Wolf Alice
-Artisti më i mirë ndërkombëtar – Billie Eilish
-Artisti i ri më i mirë – Little Simz
-Artisti më i mirë i zhanrit rap – Dave
-Grupi më i mirë ndërkombëtar – Silk Sonic
-Artisti i vitit – Adele
-Çmimi i karrierës (Autori muzikor më i mirë i vitit) – Ed Sheeran
-Albumi i vitit – Adele, “30”.
(Kosova Sot Online)