Alarm në Indonezi pas shpërthimit të vullkanit

Vullkani i Malit Semeru në Indonezi ka shpërthyer, duke dërguar hirin në qiell dhe duke shkaktuar evakuime në ishullin kryesor të vendit, Java, transmeton gazeta “Kosova Sot Online”.

Autoritetet ngritën statusin paralajmërues të vullkanit në nivelin më të lartë, që do të thotë se aktiviteti i tij ishte përshkallëzuar.

Nuk është raportuar për të lënduar, por rreth 2,000 njerëz u evakuuan nga zona përreth vullkanit.

Njerëzit janë nxitur të mbajnë të paktën 8 km (5 milje) larg, pasi "ortekët e nxehtë" të llavës derdhen nga Semeru.

Niveli i rritur i kërcënimit nga tre në katër do të thotë gjithashtu se rreziku kërcënon shtëpitë e njerëzve, tha një zëdhënës i Qendrës së Indonezisë për Vullkanologjinë dhe Zbutjen e Rrezikut Gjeologjik (PVMBG) për një transmetues kombëtar.

Organizata tha se një urë që po rindërtohej pas një shpërthimi të mëparshëm ishte dëmtuar rëndë.

Hiri vullkanik i përzier me shiun e musonit po binte në fshatrat përreth dhe 1,969 njerëz, përfshirë fëmijë dhe të moshuar, ishin evakuuar, tha Agjencia Kombëtare e Zbutjes së Fatkeqësive (BNPB).

Të paktën gjashtë fshatra ishin prekur, shtoi ai.

(Kosova Sot Online)