Skandali me dosjet, rrezikohen dëshmitarët e mbrojtur dhe funksionimi i Gjykatës Speciale

Shkruan: Hajrullah Tërnava

Kur organet kompetente nuk i kryejnë detyrat e tyre të parapara me ligje, është e kuptueshme që të tjerët, sikur në këtë rast veteranët, po i pranojnë ato dosje në vazhdimësi, po i lexojnë dosjet, po marrin shënime e pastaj po dalin në konferenca e po i tregojnë popullit se kush janë ‘dëshmitarët’. Me këto zhvillime të fundit po dëshmohet se nuk është vetëm sistemi i drejtësisë kosovare, por edhe ai ndërkombëtar, që nuk kanë shpëtuar pa u korruptuar nga mafio politika kosovare. I kanë vjedhur komplet dëshmitë e krimeve në stacionin policor, si dhe në dhomën e dëshmive në Ministrinë e PB-së, madje nën mbikëqyrje të kamerave, kurse tani po dalin pa asnjë pengesë edhe dosjet e Gjykatës Speciale, duke e zhveshur dhe lënë lakuriq edhe këtë institucion me gjykatës, hetues e prokurorë ndërkombëtar, të krijuar për shkak të mos besimit te institucionet e drejtësisë lokale-kosovare.

-Ditëve të fundit jemi dëshmitar të ndodhive denigruese të Gjyqit Special në Hagë, sepse në tri radhë brenda një muaji, në ndërtesën e OVL, UÇK i kanë sjellë qindra dosje dhe ua kanë dorëzuar veteranëve, edhe që në atë objekt ka kamera përcjellëse që shihen qartë personat të cilët i kanë sjellë ato dokumente në atë objekt. Sikur të kishte ndodhur vetëm një herë sjellja e atyre dokumenteve, ndoshta do ta kishte një kuptim befasues ndaj OVL që i kanë sjellë ato dokumente për krime të luftës që tani janë objekt të Gjyqit Special, por po ripërsëriten edhe dy herë në afate të ngjashme, e që edhe ata persona që i sillnin ato dokumente, ju thonin përfaqësuesve të veteranëve se do të ju sjellim edhe tjera dokumente të ngjashme në vazhdim, gjë që edhe ndodhi.

Lexoni edhe:

Hetimi i procesit të privatizimit nga deputetët, një lojë mashtruese e iniciuar nga PDK-ja për konsum politik

Është për tu dyshuar pra në atë udhëheqësi të OVL të UÇK-së, që nëse të parën herë ishin të befasuar që ju sollën ai dokumentacion në numër aq të madh, pse nuk u alarmua kjo situatë në institucionet e AKI-së dhe policisë kështu që ata të jenë në gjendje të gatishmërisë dhe këto institucione të merren me ata shpërndarës të dokumenteve që janë objekt i Gjykatës Speciale, por si në vazhdimësi ata sikur që deklaroheshin para TV se “dokumentacioni i sjell ka shumë të përfshirë si të akuzuar, dëshmitar të njohur por që s’po duam me i bërë të njohur për opinionin, por vetë i kemi lexuar dhe kemi parë shumëçka”. A është rroli i tyre i tillë në këtë rast i përfaqësuesve të OVL të UÇK-së, apo nëse ishte rasti i parë i sjelljeve të dokumentacionit i vërtetë, pse ata mos ti njohin organet kompetente që duhen të merren me këtë çështje si Prokurorin, policinë, AKI dhe atyre organeve tua dorëzojnë tërë dokumentacionin që iu ka mbërri. Përfaqësuesit e OVL sipas sjelljeve të tyre po mundohen në çdo mënyrë për ta zhbërë Gjykatën Speciale edhe pse kjo gjykatë tani është legale dhe e formuar nga institucionet kosovare, pavarësisht që edhe nga koha e formimit e deri me tani, shumëkush nuk e ka pëlqye, por ishte gjykatë e detyrueshme.

Tani çfarëdo që ndërmerret në zhbërjen e kësaj gjykate është tepër vonë. Gjykata Speciale me Dhomat e Specializuar me këto veprime të sjelljeve të dokumentacionit po tentohet të devalvohet, por tani është koha të presim se çfarë do të ndërmerr ky gjyq në mbrojtjen e autoritetit të tijë të mëtutjeshëm, kundërveprimet ndaj atyre që po duan ta devalvojnë. Edhe nga vetë përfaqësuesit e OVL po e pranojnë se do të bëjnë q’mos që ta zhbëjnë Gjykatën Speciale, prandaj këtu nuk kemi komente të tjera sepse gjërat po sqarohen, e sidomos pse ne duhet të dyshojmë që Gjykata Speciale po e devalvon veten kur e tërë bota ka investuar në krijimin e kësaj gjykate. Tash shtrohet pyetja se vërtetë sa qenka OVL e UÇK-së aq e aftë qe ta zhbëjë këtë gjyq, pse nuk e bënin një gjë të tillë atëherë para se me u formua nga Parlamenti i Kosovës pra, e jo tani, se tani kjo punë është akt i kryer dhe kjo do të përfundoj mandatin, kur ta kryen mandatin e sajë për çka është formuar. Nëse flasim me gjuhën e përfaqësuesve të OVL-UÇK-së, ata e shpallin Gjykatën Speciale të korruptuar dhe të devalvuar, dhe tentojnë të krijojnë urrejtje ndaj këtij gjyqi, por opinioni nuk duhet të bije pre e këtyre propagandave personale të përfaqësuesve të OVL e që ata e dinë më së miri pse e bëjnë këtë.

Lexoni edhe:

Kazinot e krimit të organizuar në Karaçevë, pronarët e vërtetë nga skena politike

Është për tu habitur që edhe pse përfaqësuesit e OVL nuk i paraqesin rastet e sjelljeve të dosjeve të Gjykatës Speciale, por në të kundërtën kur përmes TV-së njoftohet opinioni publik për këto ndodhi, atëherë pse heshtin dhe pse vetëm vëzhgojnë, ku janë organet ndjekëse të krimit, e sidomos prokuroria, policia, AKI që ishte dashur vetë të merren me këto çështje sepse për raste të tilla i kanë kompetencat e tyre që ua mundëson ligji. Është e vërtetë që në zbardhjet e vrasjeve me motive politike ka dështuar drejtësia e UNMIK-ut por edhe Prokuroria Speciale e Kosovës, por për këto arsye të mos efikasitetit të zbardhjes u krijua Gjykata Special në Hagë, nga institucionet tona, dhe ky institucion tani i ka ngritur dy aktakuza që pritet ti konfirmohen, dhe të burgosen ata dy persona dhe disa të tjerë mbas tyre, dhe krejt ngarkesa e kësaj propagande e përfaqësuesve të OVL qëndron mu në këto fakte. Sikur ti kishin qëllimet e mira përfaqësuesit e OVL për këtë zhurmë që po e bëjnë, e kur dihet që ne i kemi organet e ndjekjes që merren me zbardhjen e rasteve kriminale propagandistike, menjëherë në rastin e parë që ju ka ndodhur me prurjen e dosjeve ne fjale ishte dashur të merren organet ndjekëse, si policia, AKI, Prokuroria dhe gjërat do të ishin të qarta.

Është e vërtetë se Gjykata Speciale, me këtë skandal të dosjeve që po bëhen publike, është bërë institucion i frikshëm i drejtësisë për dëshmitarët potencial që do të dëshmojnë dhe zbardhnin krimet që kanë ndodhur në Kosovë, se një numër i konsideruar deri më tani janë të zhdukur, dhe të tjerët janë potencial që të likuidohen. Shëtitje e postierit të dosjeve të Speciales, ndodhin në një shtet të tillë si ky i yni kur shteti është në kolaps, dhe askush nuk i kryen detyrat e parapara sipas ligjit, por shumica janë të orientuar drejt pasurimeve të tyre, dhe sa të jenë në mandatin e posteve të larta ata e kanë në plane që të pasurohen sa më shumë, sepse në postet e rëndësishme emërohen personalitete të dëgjueshme që do e kryejnë mandatin e tyre duke iu qëndrua atyre më të mëdhenjve që i kanë caktuar në ato poste tepër besnik, prandaj e kemi këtë situatë të tillë kaotike ku qartë shihet së në këto situata nuk funksionon asgjë dhe as AKI-ja, policia, prokuroria, prandaj edhe përfaqësuesit e OVL e dinë se mundë të merren edhe me këtë problemin e dosjeve, dhe po janë kureshtar duke pritur se çfarë dosjesh do të ju vijnë përsëri në të ardhmen.

Shkrimet në këtë rubrikë nuk shprehin qëndrimet e gazetës "Kosova Sot Online".