Politika e lidhur me krimin edhe pa vota për ti bërë ligjet qëndron në pushtet

Shkruan: Gani Qarri

Për aq më tepër Qeveria minore e koalicionit LDK-AAK-Nisma, e cila nuk ishte në gjendje ti bëjë as 61 vota të nevojshme për të pestën herë me radhë në parlament, ka vendosur që ta provojë fatin edhe për herë të 6-të, në seancën e të enjtes, duke e dërguar rishtas Ligjin për rimëkëmbjen ekonomike që mundëson tërheqjen e 10-përqindëshit nga Trusti, ligj i cili për tu votuar, vijon të kushtëzohet nga partitë e krahut të luftës, PDK-AAK-Nisma, me votimin paraprak të Ligjit për Vlerat e Luftës, i kontestuar nga ambasadorët e shteteve të Kuintit si përpjekje për ndërhyrje në drejtësi dhe punën e Gjykatës Speciale.

Lexoni edhe:

Konjufca: Po afrohet momenti kur VV do të shënojë fitore dërrmuese në zgjedhje

Sipas parimit të Këshillit të Evropës gjegjësisht Kodit të Komisionit të Venecias, partitë politike në demokraci, janë asociacione jo fitimprurëse të cilat vijnë në pushtet për të mirën e përgjithshme dhe avancimin e interesave të qytetarëve, akte për të cilat duket se edhe pas më tepër se dy dekada dhe ndërrimin e 7 legjislaturave nuk kanë fare njohuri deputetët debil, as partitë e inkriminuara shqiptare. Madje tërësisht e kundërta ndodhë me partitë aventuriere vendore, të cilat jo vetëm se shkelin me të dy këmbët mbi të mirën e përgjithshme, por keqpërdorin edhe ndjenjat e qytetarëve, duke bërë lojë nervash me njëra tjetrën në Kuvendin e Kosovës,Qeveria me Ligjin për Rimëkëmbjen Ekonomike, ndërsa Opozita me Ligjin për Vlerat e Luftës, të propozuara dhe sponsorizuara nga grupet parlamentare të dy partive “rivale”, LDK-së dhe PDK-së.

Shkrimet në këtë rubrikë nuk shprehin qëndrimet e gazetës "Kosova Sot Online".