Nuk durohet me krim e korrupsion, Qeveria e re ta pastron urgjentisht me VETTING sistemin e drejtësisë

Shkruan: ANALIST - Muhamet Kelmendi

Masat janë të qarta. Lypset VETTING në çdo organ të Kosovës. Pushteti, në përgjithësi, ndërsa sistemi i drejtësisë, në veçanti, duhet të reformohen tërësisht. Hapi i parë është VETTINGU. Me atë mjet juridik spastrohen prokuroritë e Kosovës dhe të gjitha gjykatat, në të gjitha nivelet, nga kërkohen forca të shëndosha dhe profesionale. Është bërë mjaftë me keqpërdorime. Kosova nuk mundë të duron më. Pritet që Qeveria e VV-së të merr masa dhe ta rregullon këtë sistem. Kjo është detyrë mbi detyrat.

-Çështja e luftimit të dukuritë negative është detyrë e rëndë dhe që kërkon punë këmbëngulëse, që shteti juridik të fiton. Natyrisht se në Kosovë ka vështirësi të mëdha. Ato kërkojnë zgjidhje. E një nga çështjet më të rënda është pikërisht sistemi i luftimit të krimit dhe të korrupsionit. Në këtë fushë një çështje shumë e rëndë, vjen nga organet e luftimit të krimit, si nga policia kriminale, vetë policia, ajo ekonomike dhe natyrisht prokuroria dhe gjykatat.

Lexoni edhe:

Është fundi i lojës, opozita nuk e ka luksin për ta kushtëzuar formimin e shpejtë të institucioneve me asnjë çmim!

Këto dy organe të drejtësisë kanë dështime të mëdha dhe në vazhdimësi. Duket se disa çështje janë themelore: 1. Sigurimi i provave dhe dëshmive jo adekuate për gjykatë nga ana e prokurorisë së Kosovës dhe 2. Dënimet qesharake dhe natyrisht edhe refuzimet e fletë akuzave të paraqitura nga prokuroria. Këto dy anë të njëjtës medalje kanë lidhje të ashpër në mes veti. Mos sigurimi i provave, duke u thirr në atë se ka prova, ka bërë që gjykatësit ti fërkojnë duart dhe të lëshojnë keqbërësit nga përgjegjësia. Është e pa pranueshme, gjë që shihet nga çdo kush, se çfarë pasurie kanë krijuar prokurorët dhe gjykatësit. Me të ardhurat nga puna është e pamundur. Mirëpo kush ti kontrollon! "Ujku nuk e ndjek ujkun.

Shumë rrallë ndodhë kjo. E nëse ndodhë ajo atëherë bëhet për gjahun luftarak dhe për... Duket se kjo po e përcjellë sistemin tonë të drejtësisë. Kudo ka keqpërdorime. Ndërsa dënimet janë me kusht apo simbolike me burg. Shumica lëshohen si të pafajshëm. Sjellja e tillë e këtij sistemi ka stimuluar dhe po frymëzon shumë keqbërësit. Me dënimet e tilla dhe refuzimet e padive është krijuar gjendja që të keqpërdoren pozitat dhe mjetet e popullit. Thënia: "Vjedh sa të mundesh se ka llogari, sepse me dënime me kusht a me burg 1 e 2 vjet, për 1 a më shumë milionë ose fare pa të dënuar, llogaria është e madhe". Ky mendim kriminal po del në dritë nëpër çdo organ të pushtetit. Kjo gjendje mundë dhe duhet të shërohet.

Shkrimet në këtë rubrikë nuk shprehin qëndrimet e gazetës "Kosova Sot Online".