Lexoni edhe:
Lëndët mrizojnë në sirtarët e gjykatave të përgjumura!
Shkruan: ANALISTI - Faik Krasniqi
Analisti politik Faik Krasniqi konsideron se paralajmërimi i protestave nga OVL për shkak të shqetësimit që kanë lidhur me ngritjen e pagës minimale të paralajmëruar nga Qeveria e Kosovës, por duke mos përfshirë këtu edhe ngritjen ekuivalente të pensioneve të veteranëve, është një tentativë prapa së cilës qëndrojnë partitë politike të opozitës dhe nuk do të ketë efektin që e synojnë destabilizimin dhe rrëzimin e qeverisë. Përtej kësaj Krasniqi kërkon verifikim të listave, ndëshkim të abuzimit dhe kthim të pensioneve pa meritë në buxhetin e shtetit.
Këto protesta nuk do të kenë asnjë efekt, sepse janë të motivuara politikisht. Ku ishin këto organizata kur PDK-ja dhe partitë e tjera ishin në pushtet? Kjo qeveri nuk mundë të rrëzohet në asnjë mënyrë për këtë shkak. Ajo rrëzohet nëse nuk e mban fjalën për premtimet e dhëna.
Lëndët mrizojnë në sirtarët e gjykatave të përgjumura!Lexoni edhe:
Buxhetin e Kosovës tej mase e kanë renduar veteranet e rrejshëm, kurse tash kërkojnë edhe rritje të pensionit. Me ato para do të mund të bëhej shumë. Investime në shëndetësi, por edhe në ekonomi që të hapin vende të reja të punës. Qeveria duhet të filloj një proces për verifikimin e listave të veteranëve, për t'i verifikuar të gjithë veteranët e rrejshëm. Përgjegjësit e fryrjes së listave të dënohen, kurse veteranët e rrejshëm t'i kthejnë të gjitha paratë. Me dhjetëra miliona në vit do t'i kurseheshin buxhetit të Kosovës!
Shkrimet në këtë rubrikë nuk shprehin qëndrimet e gazetës "Kosova Sot Online".