Veç prokuroria në vdekje klinike ngre aktakuza kundër personave të vdekur!

Veç prokuroria në vdekje klinike ngre aktakuza kundër personave të vdekur!
Veç prokuroria në vdekje klinike ngre aktakuza kundër personave të vdekur!

Hasan Preteni

  • 08 shtator 2021 - 07:36

Shkruan: ANALISTI - Hasan Preteni

Në prokuroritë e Kosovës të gjallë janë vetëm prokurorët që punojnë në shumë vende pune, që marrin paga marramendëse, që i kanë të punësuar të gjithë anëtarët e familjeve, që i kanë të siguruara edhe pagat pas mandatit. E gjithë puna tjetër nuk ka vlerë e as peshën e duhur. Vetëm prokuroria në vdekje klinike ngre aktakuza kundër personave të vdekur. I vdesin-vjetërsojnë rastet me qëllim, i prolongojnë rastet deri në pafundësi, i shtyjnë seancat me akrobacione të ndryshme vetëm e vetëm që të mos punojnë asgjë dhe të mos i prishin punët me oligarkët dhe pushtetarët.

Populli thotë ; " zgjohu i vdekur e ha mish të pjekur"! Mos frymëmarrja e prokurorisë është dy dekadore. Nëpër gjykatore janë vetëm rastet e prerjes së maleve, vjedhjen e akumulatorëve, vjedhja e bagëtive dhe rastet që kanë të bëjnë me vrasjet. Rastet e korrupsionit dhe krimit të organizuar janë në vdekje klinike. Del ministri në konferencë për media me dëshmi se ka vjedhje milionëshe në transaksionet e pronave, del ministri tjetër dhe tregon se në bujqësi ka gjetur obligime 40 milionëshe, del raporti i auditorit dhe pasqyron vjedhje e keqpërdorime në të gjitha nivelet dhe në vlera të mëdha dhe prokuroria hesht-e vdekur.

Ministri Murati thotë se do të dërgon kallëzime penal në prokurori por kjo është çmenduri. Vetë publikimi i rasteve duhet të jetë sinjal se prokuroria duhet të lëvizë, prokurori pro aktivë e cila reagon në secilin nga rastet për të cilat kupton se ka dyshime për veprime penale, të reagon kur të dyshon qytetari e tek ne del me këto pohime-konstatime ministri-ministrat dhe asgjë. Nuk duhet energji në lidhje me këtë po tani heshtja e dy pushteteve tjera është për tu habitur, ku është presioni i Kuvendit dhe qeverisë e sa i përket mediave dhe shoqërisë civile ata me i prioritet i kane rastet në Maqedoni, Mal të Zi, Serbi e gjetiu edhe atë çfarë adalet temash.

Shkrimet në këtë rubrikë nuk shprehin qëndrimet e gazetës "Kosova Sot Online".