Pas ligjit Vetting do të dihet se kush ka qenë UJK dhe kush ka qenë DELE!

Shkruan: ANALISTI - Dardan Grapci

Më në fund, pas deklarimit të Ministrisë së drejtësisë për finalizimin dhe dërgimin për miratim në Qeveri të koncept dokumentit për ligjin Vetting, po shkurtohen dhe afrohen procedurat e miratimit të Ligji i Vetingut, ligj ky i cili do ta pastron sistemin e drejtësisë me të gjithë mekanizmat përcjellës, nga të gjithë abuzuesit e së kaluarës, e që nuk e meritojnë të jenë në këto institucione. Pas miratimit të Ligjit Vetting në Kuvendin e Kosovës dhe fillimit të zbatimit të tij në praktikë, atëherë do të shohim, po e them simbolikisht, se kush ka qenë UJK dhe kush ka qenë DELE.

Më në fund po vjen dita kur drejtësia do të sundoj mbi të gjithë , dhe të gjitha krimet dhe veprimet kriminale do të zbulohen, kurse kriminelët e deritashëm që sundimin e ligjit e kishin për mburojë do të zbulohen njëri pas tjetrit, do të arrestohen dhe dënohen. Urojmë që ky Ligji i Vettingut të votohet sa më shpejtë në Qeveri dhe pa vonesë të përcillet dhe votohet edhe nga deputetët në Kuvendin e Kosovës, edhe pse jam pak skeptik në këtë pikë, duke e ditur që shumica e deputetëve janë në bashkëpunim me grupet e fshehta kriminale dhe mundë të ja përshtatin edhe ligjin interesit të mbrojtjes së ndonjë grupi të caktuar.

Lexoni edhe:

Disa protestues serbë s’largohen, Njësia Speciale kthehet prapa në pozicion, rritet prania e KFOR-it

Unë pikërisht këtu e shoh edhe problemin votimit të këtij ligji në leximin e parë, që është çelësi i kalimit të mëtejshëm në procedurën e amendamenti mit final deri në lexim të dytë. Sido qoftë mbetet të shpresojmë që me rastin e shqyrtimit dhe të diskutimit rreth këtij ligji, në Kuvend të jenë prezent edhe ambasadorët e Quntit, ku do të kujdesen dhe angazhohen që çdo gjë të shkoje sipas ligjeve në fuqi. Pasi që të miratohet dhe votohet ky Ligj i Vettingut e kam një pyetje për ata gjyqtar e prokuror të lidhur me biznes mafien dhe me politikan: Çka do të bëjnë tani?, ku do të ikin...sepse fundi i perandorisë kriminale po ju vjen afër dhe do ti godet të parët.

Shkrimet në këtë rubrikë nuk shprehin qëndrimet e gazetës "Kosova Sot Online".