Lexoni edhe:
Kandidatë për kryetar komunash, servil të dëgjueshëm e të paditur të liderëve të partive politike!
Shkruan: ANALISTI-Skënder Mulliqi
Operacioni i policisë të Kosovës, kundër krimit të organizuar në disa lokalitete të Kosovës, është operacion i drejtë për vënien e rendit dhe të ligjit , që nuk po funksionon mirë që shumë vite. Ky operacion policorë nuk u mirëprite në veri të vendit , nga strukturat kriminale serbe, të cilët janë mësuar të bëjnë rendin dhe ligjin sipas kutit të tyre.
Rebelimi serb më barrikada më mjete shpërthyese dhe qitje armësh, po bëhet nga yshtja e pushtetit shovinist të Beogradit, i cili më dhunë po dëshiron ndarjen e veriut të Kosovës. Radikalizimi edhe më shumë i situatës nga minoriteti dhe veçmas nga Lista Serbe e Rakiqit , është thirrje për destabilizim të Kosovës, deri të ndonjë luftë eventuale e re shqiptaro–serbe . I ashpër ndaje deklarimit të Rakiqit , që aksionin policor e quajti “natë të kristaltë”, ishte ambasadori e Gjermanisë në Kosovë, Jorn Rohde, duke e quajtur deklarim të pa pranueshëm. Rakiq për nxitje dhe urrejtje ndëretnike duhet të shkarkohet. ”Ky aksion nuk është kundër asnjë nacionaliteti .Është i drejtuar kundër kriminelëve që kanë kontrabanduar mallra në mënyrë ilegale në Kosovë, ka deklaruar ndër të tjera ,Ministri i Punëve të Brendshme ,Xhelal Sveqla. Këtë aksion policor për shthurjen e rrjeteve kriminale , e ka përkrahur më një komunikatë edhe NATO.
Kundër këtij deklarimi do të thosha doli, Josep Borel , i cili në rrjetin Tviter “ kërkojë që menjëherë të ndërpriten incidentet e dhunshme në veri të Kosovës”, duke e quajtura shumë pa të drejtë aksionin e sotëm policorë, Unilateral dhe të rrezikshëm për stabilitetin. Pikërisht ky qëndrim i Borelit , nuk i ndihmon proceseve politike dhe nuk i ndihmon as dialogut më palën serbe. BE dhe Borel ishte dashur ti koordinojnë qëndrimet më strukturën ushtarake të NATO-së , duke përshëndetur një aksion të tillë , që nuk është kundër serbëve , por ka të bëjë më luftën kundër krimit të organizuar dhe korrupsionit . Kjo formë ultimative e reagimit vetëm sa e keqëson gjendjen e sigurisë në Kosovë.
Ne relacion më këtë reagim shkon edhe reagimi i nxitësit të trazirave në veri të vendit, të presidentit të Serbisë, Aleksandër Vuçiqi, i cili ka thënë së Serbia po e humb durimin. Këtij kori antishqiptarë nuk e la pa iu bashkangjitur edhe ish-i dërguari për dialogun Kosovë –Serbi , Ricard Grenell, I cili e ka quajtur aksionin e Policisë së Kosovës në Mitrovicë të Veriut ,si shkelje të Marrëveshjes së Brukselit. Është kjo një shpërfaqje tjetër pro serbe e Grenelit, duke qitë benzinë në zjarr. Shpresojmë së e kanë kuptuar më në fund disa struktura politike në Kosovë, anti-shqiptarizmin e Grenel diplomacisë .
Shkrimet në këtë rubrikë nuk shprehin qëndrimet e gazetës "Kosova Sot Online".