Edhe PS në ortakëri të krimit të organizuar në aferën e skandalit me NPB në Prishtinë

Shkruan: ANALISTI - Gani Qarri

Prokuroria Speciale e Kosovës, mjerisht është bërë edhe vet pjesë e aferës së madhe të korrupsionit galopant dhe krimit të organizuar, gjë që u dëshmua edhe në përpjekjen e dështuar për të kontrabanduar lejen e ndërtimit për objektin afaristo banesor në lagjen lakërishte në  pronësi të ndërmarrjes Publike Banesore në Prishtinë. Rast skandaloz ky i llojit të vet, rreth të cilit banorët e lagjes po vazhdojnë të zbulojnë fakte të reja  të rrjetit mafioz të përfshirë në këtë skandal, i cili u zbulua dhe ndalua vetëm falë reagimit të vendosur qytetar.

Por përkundër të gjithave,së fundi  janë konfirmuar edhe shkelje të reja, veçanërisht rreth projektit milionësh afaristo-banesor të NPB-së në Lakrishtë, mu aty ku ndodhi edhe shkatërrimi pa kontroll i azbestit me ekskavator. Për aq më tepër, Agjencia Kosovare e Privatizimit (AKP) njofton se as NUK ka dhënë pëlqimin, për shënimin e kufijve të një parcele të administruar prej saj dhe të parcelës së Ndërmarrjes Publike Banesore SH.A. Prishtinë (NPB) në Lakrishtë, në lokacionin ku ndodhi skandali i shkatërrimit pa kontroll të azbestit me ekskavator, me qëllim të realizimit të projektit milionësh afaristo-banesor të NPB-së, për të cilin janë shfaqur publikisht fakte të reja, dëshmi, akuza e pretendime të bazuara për shkelje ligjore dhe procedurale me pasoja që implikojnë edhe përgjegjësi penale. 

Lexoni edhe:

Veriu i Kosovës i kapur nga krimi i organizuar mbi 22 vite, si pasojë e dështimit të drejtësisë së lidhur me rrjetet mafioze e kriminale të ish-politikaneve të inkriminuar!

Madje pikërisht për shkak të përfshirjes në këtë skandal, të cilin po vazhdon ta heshtë kryetari Shpend Ahemti dhe për të cilin akoma nuk po deklarohet Prokuroria e shtetit dhe as ajo Speciale,  Agjencia Kosovare e Privatizimit ka  iniciuar procedurë disiplinore ndaj zyrtarit të saj lidhur me përfshirjen e pa autorizuar  në projektin afaristo  banesor në Lakrishtë rreth përcaktimit të kinse vijave kufizuese.  Së fundmi po dëshmohet se as Agjencia Kosovare e Privatizimit (AKP) se nuk ka dhënë pëlqim për shënimin e kufijve të një parcele të administruar prej saj dhe të parcelës së Ndërmarrjes Publike Banesore SH.A. Prishtinë (NPB) në Lakrishtë, në lokacionin ku ndodhi skandali i shkatërrimit pa kontroll të azbestit me kskavator,ndërkaq në vazhdën e përpjekjeve për realizimin e projektit milionësh afaristo-banesor të NPB-së, janë shfaqur publikisht fakte, dëshmi, akuza e pretendime të bazuara për shkelje ligjore dhe procedurale. 

Edhe në dokumentacionet e siguruara nga AKP-ja përmes kërkesës për qasje në dokumente zyrtare, dëshmohet se një zyrtar kadastral i kësaj agjencie, ka marr pjesë në realizimin e matjeve pa autorizim në terren me gjeodetin e kontraktuar nga Ndërmarrja Publike Banesore SH.A. Prishtinë dhe e ka nënshkruar kundërligjshëm procesverbalin nga terreni për përcaktimin e kufirit mes parcelës së menaxhuar nga AKP dhe parcelës së NPB-së. 

Prandaj edhe nga Agjencia Kosovare e Privatizimit (AKP), thonë se punëtori i saj, Korab Tmava, as që ka pasur fare autorizim të ndërmarr një hap të tillë. 

Lexoni edhe:

Kuvendi duhet të funksionoj, bllokimi është sjellje e papërgjegjshme

Kjo është edhe arsyeja pse ndaj tij, së fundmi është inicuar procedurë disiplinore për tejkalim të kompetencave, ndonëse AKP-ja zyrtarisht nuk kishte dhënë pëlqim, ky procesverbal terreni është përdorur nga gjeodeti i NPB-së si dëshmi para Zyrës së Kadastrit të Komunës së Prishtinës, e cila e ka miratuar dhe ekzekutuar lëndën që i ka hapur rrugë lëshimit të lejes së ndërtimit për realizimin e projektit milionësh afaristo-banesor të NPB-së, për të cilin janë shfaqur publikisht fakte, dëshmi, akuza e pretendime të bazuara për shkelje ligjore dhe procedurale.  Ndaj ky do të jetë skandal i një trashëgimi serioz për ta adresuar në prokurori nga ana e Qeverisë së re komunale që do të del pas zgjedhjeve lokale të këtij viti,pas ikjes së Shpend Ahmetit dhe gardës së tij kriminale nga pozita e kryetarit, ku megjithatë, gjurmët dhe dëshmitë e krimit, jo vetëm se do të mbeten,por dhe duhet medoemos të hetohen, të ndiqen dhe të ndëshkohen në bazë të ligjit.

Shkrimet në këtë rubrikë nuk shprehin qëndrimet e gazetës "Kosova Sot Online".