Alarmohet BE-ja, nga frika e ndikimit rus në Ballkanin, ngjallen shpresat për integrimin e shqiptarëve

Shkruan:ANALISTI: Rexhep Shahu

Nisur nga shqetësimi që Rusia donë të dalë në Mesdhe, dhe donë ta destabilizoj Ballkanin për ta pasur një këmbë në Serbi, donë që Malin e Zi mundësisht ta nxjerr nga NATO, e donë edhe bregdetin shqiptar që e ka ëndërruar me shekuj, përveç Amerikës sikur po zgjohet edhe diplomacia evropiane nga gjumi. Alarmet e para i ka dhënë diplomacia gjermane, ministria e jashtme gjermane, kancelari gjerman dhe prandaj i kërkon Evropës vëmendje të shtuar në Ballkan.

- Evropa që gjithsesi u gjend edhe e hutuar nga lufta e Rusisë në Ukrainë dhe e pavendosur plotësisht për disa kohë që i shfrytëzoi Rusia për përparimin e saj në Ukrainë, tani kërcënohet nga brigjet e saj, kërcënohet në kufijtë e saj dhe Ballkani është një portë e rëndësishme hyrëse e Evropës. Duket se burokracia e Evropës ndjehet e turpëruar për çfarë ka bërë deri sot dhe si është sjellë me vendet e Ballkanit, e veçmas me Shqipërinë, Bosnjën, Maqedoninë e Kosovën. Duket se ka mbaruar melodia kushtet para statusit dhe besohet se nga interesat e saj Evropa do ti përfshij më shpejtë në gjirin e saj shqiptarët. Le të shpresojmë se do të hapet drita jeshile për Shqipërinë, për Kosovën që ti liberalizohen vizat.

Lexoni edhe:

Gjykimi i aferës së madhe të plaçkitjes së 2.1 mil.€, vihet në pikëpyetje të madhe krimi i organizuar!

Në asnjë rrethanë nuk ikin më shume se sa kanë ikë shqiptarë nga rajoni e trojet e tyre, por merr fund stresi e përbuzja e diskriminimi i tyre. Nuk besoj tek diplomacia e vendeve të vogla që janë nismëtare pasi pa u akorduar Franca e Holanda që kanë qenë bllokuese nuk bëjnë pune vendet e vogla. Evropa duhet të bëhet orkestër e intonuar pasi ndryshe do të vazhdoj të jetë një organizëm ku mungon fuqia për tu mobilizuar e për tu bërë bashkë. Frika e Evropës nga kaq pak shqiptar apo boshnjak është qesharake, kur ajo hap dyert për miliona e miliona ukrainas. Le të shpresojmë se Gjermania po bëhet edhe lokomotivë politike e Evropës.

Shkrimet në këtë rubrikë nuk shprehin qëndrimet e gazetës "Kosova Sot Online".