Lexoni edhe:
Dialogu i nisur mbrapsht, pa e bërë një traktat paqeje ndërmjet dy vendeve, praktikisht ne nuk po luftojmë por formalisht jemi në luftë me Serbinë
Opozitarët po ja bëjnë shërbimin besnik Aleksandër Vuçiqit kundër fondit për forcimin e ushtrisë së Kosovës
Gani Qarri
Shkruan: ANALISTI - Gani Qarri
Mjerisht kundërshtimet që po i bëhen hapur Fondit të Sigurisë të themeluar në mënyrë institucionale, nga Qeveria Kurti, me qëllim të forcimit profesional, material dhe kadrovik të Ushtrisë së Kosovës-FSK, në frymën e ngritjes së sigurisë e të mbrojtjes dhe hapjes më të shpejtë të perspektivës për anëtarësimin e Kosovës në NATO, janë tepër të dëmshme dhe të denja për tu trajtuar edhe penalisht, me ligjet për siguri të Republikës së Kosovës
-Siç dihet tanimë publikisht, kundërshtimet më të ashpra kundër mbështetjes qytetare për kontribuuimin në fondin e Sigurisë, përveç Serbisë dhe Aleksandër Vuçiqit, po bëjnë edhe dy subjektet e mëdha politike Opozitare, si LDK dhe PDK, parti këto, që të dyja, të identifikuara për abuzim me fondet e luftës, Fondin 3% që është menaxhuar nga LDK dhe ish qeveria Bukoshi në ekzil, si dhe Fondi “Vendlindja Thërret” të krijuar nga strukturat e krahut politik të LPK-së, në emër të financimit të UÇK-së, struktura këto të cilat që pas lufte kanë kaluar pothuajse komplet në Qeverinë e përkohshme të PDK-së.
Ndërsa për dallim nga LDK dhe PDK, Fondi i sigurisë për Ushtrinë e Kosovës, është mbështetur nga AAK-ja e Ramush Haradinajt, por është kundërshtuar nga sateliti i shkërmoqur i PDK-së, NISMA e Fatmir Limajt, që në fakt edhe konsiderohet, krah i shkëputur i njerëzve që po shërbejnë si satelit të PDK-së. Prandaj kjo dëshmon apriori se pikërisht strukturat që në mungesë të kontrollit të mirëfilltë ligjor e institucional, gjatë dhe pas lufte abuzuan, në mënyrën më të keqe, me fondet e mbledhura të 3% dhe atë "Vendlindja Thërret", janë ata që tani i frikësohen veprimit transparent dhe të bazuar në ligj, kështu që nga frika e zgjimit të interesit qytetar nga diaspora për të kontribuar në këtë fond transparent, janë nisur në fushatë të ashpër, kundër fondit të sigurisë për Ushtrinë e Kosovës, edhe përtej kufijve të shtetit për të propaganduar, kundërshtuar, penguar dhe pamundësuar funksionimin e një fondi të tillë mbështetës plus, për Ushtrinë e shtetit të Kosovës.
Shkrimet në këtë rubrikë nuk shprehin qëndrimet e gazetës "Kosova Sot Online".
