Mjaftë me sjelljen dyfytyrëshe të BE-së ndaj Kosovës dhe Serbisë

Shkruan:ANALISTI- Skënder Mulliqi

Lajçak dhe Borel sa herë që po e vizitojnë Kosovën, po na sjellin nervoz e asgjë pozitive. Po e qesin në tavolinë temën e Asociacionit të komunave më shumicë serbe, që duhet të implementohet sipas marrëveshjeve të firmosura në Bruksel nga Thaçi dhe Mustafa. E dihet fortë mirë së Asociacioni më kompetenca ekzekutive , është në kundërshtim më 21 nëne të Kushtetutës, dhe si i tillë është edhe i pa pranueshëm për Kosovën.

-Asnjë fjalë nuk e thanë dhe nuk po e thonë së Serbia ende pa i përfunduar bisedimet duhet ta pranon pavarësinë e Kosovës. Po i bëjnë në mënyrë permanente presion Kosovës duke i bërë padrejtësi të madhe , kur dihet së kush ishte agresioni dhe kush bëri luftë mbrojtëse. BE-ja më aktin e fundit të refuzimit të vizave në Bruksel , hapur e ka favorizuar Serbinë. Pas lojës politike gati krejt përjashtuese të BE-së, tash ishte dashur ti bëhet e ditur Lajqakut nga Kurti dhe Osmani së do të pezullohen bisedimet më palën serbe.

Lexoni edhe:

Deputeti e merr votën për të qenë pjesë e vendimmarrjes së Kuvendit, jo për të bojkotuar dhe abstenuar

Nuk ka çka të vazhdohet dialogu më Serbinë në këto rrethana politike përjashtuese për Kosovën dhe shqiptarët nga struktura burokratike e BE-së, dhe më këta emisarë , të cilët në shumë paraqitje publike , kanë përkrahur politikën e Serbisë hegjemoniste dhe luftënxitëse .Mjaftë është bërë me dyfytyrësi të BE-së, ndaj Kosovës. Një vendi të vogël si Kosova, ku pas përfundimit të luftës qëndruan shumë struktura qeveritare dhe jo qeveritare të tyre , dhe KFOR-i, po na lënë vendin më të varfër dhe më të izoluar , kurse në anën tjetër po e afrojnë Serbinë e pa reformuar gjithnjë e më shumë BE-së.

Shkrimet në këtë rubrikë nuk shprehin qëndrimet e gazetës "Kosova Sot Online".