Lexoni edhe:
Për 6 muaj 699 mungesa të deputetëve që bllokuan procesin ligjvënës
Shkruan: ANALISTI- Muhamet Kelmendi
Çështja e ndërtimit juridik të Byros Shtetërore të verifikimit dhe të konfiskimit të pasurisë së pa justifikueshme është kritikuar me të drejtë nga Komisioni i Venecias dhe si i tillë, ky projekt, nuk duhet kurrsesi të bëhet ligj.
-Është një çështje e rëndë që ky ligj të futet në fuqi. Nuk ka raste në botë, fjala është për shtetet demokratike, që gjindet në fuqi një ligj i tillë. Kam mendim se ka shumë baza të dyshimta dhe shumë jo ligjore, në kuptimin e shtetit juridik, që e bëjnë të pa kapshëm këtë projekt të Ministrisë së Drejtësisë në Kosovë. Konkretisht:
1. Ligji i i jep të drejtë organeve administative jo vetëm që të verifikojnë pasurinë e pa justifikueshme, por edhe të bëjnë konfiskimin e pasurisë së tillë.
2. Me formën e tillë i jepet administratës fushë kompetenca që është kryesisht e gjykatave në vend.
3. Gjykatat paraqiten me këtë ligj si organe të duplifikuara dhe shpesh herë të dorës së dytë, gjë që shteti i së drejtës nuk e lejon.
4. Kurrsesi nuk bëhet që çështja e pasurisë së luajtshme a të paluajtshme të konfiskohet jashtë procedures ligjore të gjykatave.
5. Administratës mund t'i ipen kompetenca verifikuese dhe procedura për konfiskim të pasurisë të kaloj te gjykatat kompetente.
Për 6 muaj 699 mungesa të deputetëve që bllokuan procesin ligjvënësLexoni edhe:
Janë këto vetëm disa çështje shumë domethënëse që këtë projekt e kundërshtojnë. Zaten edhe vetë emri i projektit: " verifikimi dhe konfiskimi i pasurise" tregon një kundërshtim të ashpër me kompetencat e gjykatës. Vërehet se me këtë konfiskohet pasuria dhe gjykata mbetet të veproj vetëm atëherë kur palët interesohen. Kemi kështu një duplifikim të kompetencave dhe një centralizim i pushtetit autorirativ në fushën pronësore e juridike, në kundërshtim me ligjet që në Kosovë janë në fuqi. Nuk lejohet askund në demokracitë moderne, qoftë në UE, qoftë përtej oqeanit, që organet administrative të konfiskojne pasuri të lujatshme a të paluajtshme. Kjo është çështje e gjykatave.
Shkrimet në këtë rubrikë nuk shprehin qëndrimet e gazetës "Kosova Sot Online".