Lexoni edhe:
Një polici serb të Kosovës iu dogj vetura, Sveçla i kërkon Vuçiqit të mos e përkrah
Shkruan: ANALISTI: Dardan Grapci
Ballkani i hapur që nga momenti kur është publikuar, dhe ka filluar të sponsorizohet dhe fuqizohet nga treshja Vuçiq, Rama dhe Zaev menjëherë kanë filluar reagimet kundër të disa nga vendet anëtare të BE-së, e sidomos nga Gjermania. Qeveria e Kosovës duhet të jetë shumë e kujdesshme për cilindo projekt të tregut rajonal që propozohet sepse nuk guxon ta humbë fuqinë dhe potencialin e vetë ekonomik, që të dominohet dhe mbi ngarkohet nga ndikimi ekonomik dhe politik i shteteve më të zhvilluara në rajon, e ku dominon Serbia.
Një polici serb të Kosovës iu dogj vetura, Sveçla i kërkon Vuçiqit të mos e përkrahLexoni edhe:
Kur bëhet fjalë për treg të përbashkët, duhet të kihen parasysh të gjitha zgjidhjet që hapin perspektivë evropiane të zhvillimit dhe të integrimit, kështu që tash për tash, edhe Projekti i Berlinit nuk i duhet Kosovës, sepse Kosova nuk ka qenë e ndarë në dysh sikurse Gjermania, prandaj duhet të analizohet mirë dhe pastaj të vendoset. Ndryshe kur është fjala për projektin e treshes Vucic, Rama dhe Zaev , ka ardhur koha që Ballkani i Hapur të mbetet histori në letër të pa vlerë dhe të dështojë. Por mos të harrojmë një gjë, siç kanë thënë pleqtë, gjyshërit tanë se pa e heq ujkun nga oborri, kot lodhen gjuetarët, dhe në këtë rast po flas për Edi Ramen, se ai në çdo të dytën fjali e përmend edhe Kosovën në këtë kontekstin e Ballkanit të Hapur.
Nuk e di me cfarë të drejte merr guximin ky të flas në emër të Kosovës dhe kundër interesave të Kosovës kur zyrtarisht nuk është as shtetas i Kosovës e as kryeministër i Kosovës. Ai duhet ta harron Kosovën në këto projekte që janë kundër interesit të sovranitetit dhe integritetit të shtetit tonë e në favor të dominimit të shtetit të Serbisë, prandaj edhe Qeveria Kurti do të duhej ta shpallte Edi Ramen person non-grata, nëse ai më shpejtë nuk vetëdijesohet, të bindet dhe distancohet nga qëllimet djallëzore të projekteve dhe nismave të ndryshme të Aleksandër Vuçiqit të e neutralizojnë dhe zhvlerësojnë pavarësinë e shtetit të Kosovës.
Shkrimet në këtë rubrikë nuk shprehin qëndrimet e gazetës "Kosova Sot Online".