Marrëveshja për Asociacionin e Komunave me Shumicë Serbe është gabimi më i madh historik që po na kushton, sfidon dhe rrezikon shtetin

Shkruan: ANALISTI- Muhamet Kelmendi

Asociacioni i komunave me shumicë serbe është vdekjeprurëse për Kosovën. Asociacioni është mjet për ndarjen e Kosovës. Nuk ka rëndësi se a është ky subjekt me kompetenca ekzekutive apo jo. Çdo komunitet që ka një bashkim që e tregon një status ka mundësi që në vazhdim të vendos me referendum apo në mënyrë plebishitare për të ardhmen.

-Asociacioni i komunave me shumicë serbe e krijon një bazë politike që kjo pjesë e popullit ta shpall Republikën dhe si e tillë të vendosi për të ju bashkuar Republikës së Serbisë. Në këtë anë, nuk ka rëndësi se a respektohet vendimi i Gjykatës Kushtetuese të Kosovës. Edhe pa të asociacioni është një formë e bashkimit për të vendosur. Kosova ka bërë gabime të mëdha në të kaluarën. Beri dhe i nënshkroi dy marrëveshje me shtetin kriminal serb për Asociacionin e komunave me shumicë serbe në Kosovë. Marrëveshja e vitit 2013 dhe ajo e vitit 2015. Kjo e fundit u shpall antikushtetuese dhe mbeti në fuqi ajo e vitit 2013, me disa këshilla që i dha Gjykata Kushtetuese e Kosovës.

Lexoni edhe:

Lufta speciale ruso serbe në Ballkanin Perëndimor, rrezik serioz për shtetin e Kosovës

Në kuptimin juridik asociacioni është një bashkim me bazën statutare që regjistrohen pranë ministrisë kompetente në bazë të ligjeve të shtetit. Në Kosove kemi këso shoqatash. Ato janë në fushën e kulturës, të sportit dhe të ekonomisë. E Kemi edhe Asociacionin e Komunave të Kosovës. Këtu duhet të futen edhe komunat me shumicë serbe. Këtë nuk po e duan në Beograd. Shteti kriminal serb po kërkon Asociacion me kompetenca politike dhe ekzekutive, që në fund shpie te shkëputja e kësaj ane nga Kosova dhe bashkimi me shtetin serb Këtu është pikësynimi i Serbisë dhe, në këto qëllime, po luan mirë komuniteti serb. Serbët kanë krijuar grupe të armatosura. Po bllokojnë rrugët dhe sheshet e qyteteve. Sulmojnë organet e rendit. Bëjnë sulme me bomba etj. Serbët u larguan nga organet e pushtetit. Po bëjnë thirrje për luftë. Takohen në Beograd me kriminelin Vuçic dhe paraqesin kushte. Situata është e rëndë. Shteti i Kosovës kërkohet të veproj. Nëse duhet asociacion, atë duhet ta paraqes si shoqatë, jashtë çdo pushteti. Shoqatat kanë karakter shoqëroro-kulturore e sportive, mundet edhe arsimore. Çdo element tjetër për shoqatë është antikushtetues.

Shkrimet në këtë rubrikë nuk shprehin qëndrimet e gazetës "Kosova Sot Online".