Implementimi i planit të BE-së dhe të SHBA-së është çështja më e rëndësishme për Republikën e Kosovës

Shkruan: ANALISTI - Muhamet Kelmendi

Deklarata e Ambasadorit te SHBA-ve,z. Jeffrey Hovenier, ka karakter të presionit mbi palët në Ohër.

Është gjë shumë e qartë se plani i BE-së dhe i SHBA-ve i njohur si plani franko-gjerman, nga palët juridikisht nuk është pranuar. Mbetet që në Ohër të pranohet apo të refuzohet plani.

-Mendohet se në Ohër do të pranohet plani franko-gjerman, respektivisht plani i BE-së dhe i SHBA-ve.

Pas pranimit të planit fillohet tamam për implementimin e 11 pikave të planit.

Në zbatim të planit do të ketë vështirësi. Kjo, për faktin se plani është shumë kontradiktor dhe i mbushur me shprehje që të dy palët i kënaqë.

Megjithatë, kërkohet të vihen në spikamë çështjet më të rënda. Këtu po i përmendi disa:

1. Zbatimi i marrëveshjeve të arritura midis Kosovës dhe Serbisë mbi radhën e pikave të marrëveshjeve apo të futjes në pikë të parë të zbatimit Asociacionin e komunave me shumicë serbe në Kosovë, si kusht serb.

Lexoni edhe:

Chollet jep detaje për bisedën me Kurtin dhe Vuçiqin

2. Mënyra e ndërlidhjes së Asociacionit me shtetin serb dhe me organet e Kosovës, sidomos në nivelin e kompetencave, të organeve dhe të nënshtrimit ndaj Republikës së Kosovës deri në shpërbërjen e Asociacionit nga Republika e Kosovës.

3. Pozita e Kosovës në kuadër të organizatave të ndryshme në Evropë dhe deri në OKB-në.

4. Reciprociteti si mënyrë e zgjidhjes së çështjeve të ndryshme me interesa për dy shtetet.

5. Njohja reciproke e shtetit.

Ka edhe shumë çështje tjera që lypset të diskutohen. Por, asociacioni, kompetencat dhe organet, pozita e Kosovës në botë, reciprociteti dhe njohja reciproke mbeten çështje më të rëndësishme.

Këtu duhet syqeltësi, vendosmëri dhe qëndrim i patundur në mbrojtjen e Republikës.

Këtej kërkohet të ecet përpara.

Shkrimet në këtë rubrikë nuk shprehin qëndrimet e gazetës "Kosova Sot Online".