Lexoni edhe:
Veprim dhe vendim i i drejtë i shtetit për shpalljen e organizatave ilegale e kriminale, të kundërligjshme dhe terroriste
Shkruan: Sociologu- Fadil Maloku
Ndëshkimi ndaj Serbisë duhet të ndodhë sepse: "Ujku (Serbia) qimen e ndërron, por zakonin s’e harron”. Dëshmia më e mirë për t'i kuptuar ambiciet po edhe synimet strategjike gjeopolitike të opozitës (me orientime perëndimore) serbe e cila nga Evropa dhe Amerika po shpresohet se mund ta demokratizoj, e madje edhe ta shtyjë që t'i pranoj vlerat dhe qytetërimin perëndimor, është demonstrimi që ndodhi në mbrëmjen e 28 qershorit në Beograd, në shenjë mbështetjeje për serbët nga Kosova.
- Në këtë demonstrim, siç dinë të mashtrojnë vetëm serbët, u dëgjuan pareshtur fyerje e gjuhë denigruese e urrejtjeje ndaj shqiptarëve! Madje u dëgjuan edhe sharje e fyerje të shoqëruara me këngë nacionaliste (si ato të "balvan revolucionit të viteve 90-ta!?) për Kosovën dhe përgjithësisht për gjithë shqiptarët pa dallim!
Ky fakt dhe ky akt, dëshmon më së miri se sa shumë është mishëruar e ingranuar në "kapilarët" e mentalitetit dhe etnopsikologjisë serbe vlera e ortodoksizmit dhe nacionalshovenizmit ndaj popujve fqinjë! Evropa, e sidomos Amerika duhet ta kuptoj, se pa një denacifikim (ashtu siç ndodhi me gjermanët e paraluftës së dytë botërore) të plotë të Serbisë, aleanca dhe miqësia në rrethanat e një gjeopolitike të re për rajonin e Ballkanit, lëre që është e kotë (!), por, është edhe e pamundur! Sepse, si pozita ashtu edhe opozita atje e kanë shumë vështirë t'i konsumojnë vlerat e botës perëndimore. E fajtorë kryesor për këtë (dez) orientim të tyre tërësisht sociopatologjik, janë ortodoksizmi dhe nacional shovinizmi serbo- rus.
Shkrimet në këtë rubrikë nuk shprehin qëndrimet e gazetës "Kosova Sot Online".