Për BE dhe SHBA Serbia ka fuqi më të madhe se Kosova

Shkruan: ANALISTI-Muhamet Kelmendi

U njoh a nuk u njoh Kosova de-fakto nga Serbia është çështje fare e pa rëndësishme. De-de fakto Kosova ekziston. Këtë nuk e zbehe çështja e qëndrimit serb. Vetëm njohja de-jure e Kosovës nga Serbia ka efekt politik, juridik dhe ndërkombëtar.

-Në raport me BE-në dhe me SHBA-të për integrim të Kosovës në strukturat euro-atlantike, ka me vite, që është kusht, lëshimi apo ikja nga territori i Kosovës në llogari të shtetit serb. Asociacioni është çështje e cila po nuk u trajtua seriozisht dhe me kujdes e shkatërron përfundimisht shtetin e Kosovës. Me këtë organizim de-fakto është e programuar lufta shqiptaro-serbe. Kjo për faktin se serbët me atë organizim fitojnë policinë e vetë dhe kështu edhe armën e luftës kundër shtetit të Kosovës. Çka dhe pse ndërlidhet kjo me integrim? Ndërlidhja e saj me integrim vjen nga lëshimet e mëdha që BE dhe SHBA-të i kanë bërë Serbisë. Të frikësuar nga agresioni ushtarak serb mbi Kosove, si pikësynim i Rusisë dhe Kinës, BE dhe SHBA bënë akceptime të mëdha të kërkesave serbe. Nga një shtet që doli nga shpërbërja e Jugosllavisë po krijohen tri shtete, pa e marrë Malin e Zi, ku veç e ka pushtetin.

Lexoni edhe:

Amerika dhe bota perëndimore që e ndëshkuan kriminelin Millosheviq, të njëjtin veprim duhet ta bëjnë edhe me Vuçiqin

Një zgjidhje tillë po i imponohet nga BE dhe SHBA edhe Kosovës. Ndërlidhja e Asociacionit serb në Kosovë me integrim e Kosovës në struktura euro-atlantike është realizim interesave serbe në Ballkan. Mund të deklarojnë çfarëdo politikanët e BE-së dhe të SHBA-së. Asociacioni dërgon tek ndarja e Kosovës. Ky është përfundimi. Ndërsa, njohja de-fakto e Kosovës është vetëm një mashtrim i madh i Kosovës. U njoh a nuk u njoh Kosova de-fakto nga Serbia është çështje fare e pa rëndësishme. De-de fakto Kosova ekziston.

Këtë nuk e zbehe çështja e qëndrimit serb. Vetëm njohja de-jure e Kosovës nga Serbia ka efekt politik, juridik dhe ndërkombëtar. Çështja de-fakto e njohjes se ekzistencës se Kosovës me Asociacionin serb është humbje e madhe e Kosovës. Natyrisht se kjo nuk i intereson shumë BE-së dhe tash edhe SHBA-ve. Të dy këto subjekte, qoftë edhe me sakrificën e Kosovës, e duan paqen në Ballkan. Kundruall kësaj, Kosova nuk është humbje e madhe, si për BE, ashtu edhe për SHBA. Paqja është para Kosovës.

Shkrimet në këtë rubrikë nuk shprehin qëndrimet e gazetës "Kosova Sot Online".