Dialogu me Serbinë është i bllokuar, nuk marrëveshje para zgjedhjeve në BE dhe SHBA

Shkruan: ANALISTI- Muhamet Kelmendi

BE-ja po përpiqet që para se të shkohet në zgjedhjet parlamentare, në disa muaj në vijim, të arrihet marrëveshja midis Kosovës dhe Serbisë. Ky është një pikësynim që është vështirë të realizohet. Kjo, jo pse Kosova mbanë përgjegjësi, por për faktin se vetë BE e ka krijuar gjendjen për të mos pasur marrëveshje gjithëpërfshirëse.

Lexoni edhe:

Lajçak u tregua i njëanshëm në dëm të Kosovës e në favor të Serbisë

Tani me të drejtë po krijohet bindje që edhe BE po ka mirëkuptim ndaj pretendimeve territoriale nga ana e Serbisë kundër Kosovës. Shih këtu qëndrimin mbi dinarin. Dialogu pa status i Kosovës, të cilën BE e ka në bazë, ka krijuar gjendje të Serbia për të marrë edhe aksione kriminale për ta realizuar gjoja shtetësinë serbe mbi territorin e Kosovës. Në këtë kuadër nuk ka as marrëveshje. Kosova nuk mundet ta pranon ndonjë marrëveshje që nuk e garanton shtetësinë dhe integritetin territorial të Republikës. Ndërsa, shteti serb e donë ripushtimin. BE me përfaqësuesit e vetë Borel e Lajçak heshtë! Në këtë gjendje është BE. Nuk po e përkrah pavarësinë e Kosovës. Kurrë z.Borel dhe z.Lajcak nuk e kanë deklaruar në konferenca dhe në çdo kontakt faktin se Kosova është shtet i pavarur. Çdo herë ka qenë për këta ndërmjetës statusi juridik i pazgjidhur. Me dialog me shtetin serb, ishte motoja se do të zgjidhet statusi. Këtu është shkaku i mos suksesit të BE-së. As në muajt e mbetur para zgjedhjeve në BE dhe në SHBA nuk pritet ndonjë hap pozitiv. Gjendja do të keqësohet. Me z.Borel, z.Lajcak dhe z Eskobar nuk arrihet marrëveshja gjithëpërfshirëse. Me këta ndërmjetësues dhe me përkëdhelje të Beogradit, për hir të animit të Serbisë nga BE, kundër gjoja Rusisë, nuk zgjidhet çështja Kosovë-Serbi. Sjo kështu rrezikon të na dërgon edhe deri te lufta. 

Shkrimet në këtë rubrikë nuk shprehin qëndrimet e gazetës "Kosova Sot Online".