Heshtje e frikshme e faktorit ndërkombëtar karshi kërcënimeve të hapura nga kreu i AIU serbe

Shkruan: ANALISTI-Gani Qarri

Kërcënimet e pakuptimta serbe nga Beogradi kundër shtetit dhe territorit të Kosovës, sa vijnë e shtohen, por megjithatë, askush nuk ka një përgjigje adekuate, e aq me pak vet BE, por as SHBA-të, se edhe sa kohë duhet kaluar në heshtje faktori ndërkombëtar kërcënimet e tilla të hapura të zyrtarëve të lartë të shtetit serb, për sulme direkt ndaj shtetit dhe territorit të Kosovës, përderisa palës kosovare i bëhet presion i pareshtur për dialog, për zbatimin e marrëveshjeve, për sjellje bashkëpunuese, jo provokuese, jo bllokuese e çfarë jo tjetër, përderisa Serbia as nuk zbaton marrëveshjet, as nuk ndalon kërcënimet publike, para hundëve të ndërkombëtarëve, kundër Kosovës dhe çuditërisht të gjithë heshtin.

Lexoni edhe:

Serbia me ambicie pushtuese ka plan për ta sulmuar Kosovën

Kërcënimi më i ri i shfaqur publikisht nga zyrtarët e lartë të shtetit serb ndaj Kosovës vjen nga vet i ashtuquajturi drejtor i Agjencisë së Inteligjencës Ushtarake serbe, gjeneralmajori Zoran Stojkoviq, i cili në avazin e njohur të qëndrimeve hegjemoniste të tij dhe qeverisë serbe, ndaj vendit tonë, thotë se “veprimet e institucioneve shtetërore të Kosovës, paraqesin kërcënim të madh për sigurinë e Serbisë?! Për aq më tepër, ai guxon të kërcënojë hapur duke deklaruar edhe se shteti serb është në gjendje gatishmërie për të intervenuar dhe shpëtuar qytetarët serb nga dhuna e pretenduar që sipas tij ushtrohet ndaj tyre? E çmenduria e Stojkoviçit, shkon edhe më tej, duke pretenduar se “edhe pse strukturat e sigurisë së Kosovës nuk paraqesin një sfidë të madhe për ushtrinë serbe, pajisja e vazhdueshme e tyre me armë moderne dhe trajnimi që bëjnë pjesëtarët e këtyre formacioneve tregojnë se ky kërcënim do të jetë prezent në periudhën e ardhshme”. Duke mos fshehur ambiciet e Serbisë ndaj Kosovës, ai serish ka shfaqur kërcënimin e hapur duke deklaruar se: marrë parasysh praninë e huaj, mbylljen tradicionale të komuniteteve shqiptare, si dhe përshkallëzimin më serioz të situatës së sigurisë, ne kemi angazhuar burime të konsiderueshme të inteligjencës në këtë zonë, që dëshmon se veprimet e pjesëtarëve të BIA-së serbe, janë edhe fizikisht të pranishme në vendbanime dhe qendra të ndryshme të vendit tonë, për çka Qeveria dhe të gjitha institucionet e shtetit duhet të ngritin edhe më tepër, shkallën e vigjilencës, për pamundësimin e veprimtarisë së BIA-së serbe në Kosovë. Sipas këtij krimineli serb, çdo ditë është gjithnjë e më e vështirë, sepse gjoja strategjia e Prishtinës, ngritka vazhdimisht tensione dhe krijon kushte për Kosovën etnikisht të pastër, gjë që Republika e Serbisë nuk do ta lejojë ”, ka kërcënuar më tej, krye spiuni i ushtrisë serbe. Por përkundër të gjitha sjelljeve të tilla kërcënuese dhe çmendurisë provokuese të të ashtuquajturit gjeneral serb, dhe jo vetëm, por edhe sulmi i armatosur terrorist i 24 shtatorit të vitit të kaluar, sikur po nënçmohen qëllimisht nga faktori ndërkombëtar dhe kriminelë e terrorist të njohur serb, si Milan Radojçiq & Co, bashkë me urdhër dhënësit e sulmit terrorist dhe akteve të krimit të organizuar, si Stojkoviqi, po ledhatohen dhe amnistohen krejt butësisht, duke ngelur, edhe gati 6 muaj nga sulmi terrorist serb, në Banjë të Zveçanit, pa ndërmarrje masash as pa u sanksionuar fare, madje as edhe një emër i vetëm terroristi apo krimineli serb, pjesëmarrës në sulmin terrorist të 24 shtatorit 2023.

Shkrimet në këtë rubrikë nuk shprehin qëndrimet e gazetës "Kosova Sot Online".