Vetëm bashkimi kombëtar, tërheqja e kufirit mes shqiptarëve dhe serbëve, është zgjidhja që siguron paqe dhe stabilitet në rajon

Shkruan: ANALISTI-Muhamet Kelmendi

Natyrisht se ky bashkim mund të realizohet me kufijtë aktual të Kosovës ose me kufijtë e vitit 1956, me Kosovën Lindore brenda. Mirëpo, që çështja të ketë të ardhme, nëse nuk merren këto baza për kufi, është mirë që në mes shqiptarëve dhe serbëve të tërhiqet një kufi mbi bazën nacionale, ekonomike dhe historike të kombit që jeton në terren. Për shqiptarët janë të rëndësisë jetike Trepça, Mitrovica si qytet i bashkuar dhe liqeni i Ujmanit, në veri. Në perëndim është Lugina e Preshevës. Mos realizimi i kësaj vije kufitare me shtetin serb, por ndërtimi i asociacionit, është në kundërshtim me vetë raportet shqiptaro-serbe të acaruara deri në luftë.

Lexoni edhe:

Racizmi serb i regjimit të Aleksandër Vuçiqit e ka bekimin e Kishës Ortodokse serbe si në kohën e Millosheviqit

Me shtetin serb kurrë nuk është arritur të bëhet marrëveshje e zbatueshme dhe e respektueshme nga pala serbe. Serbia vazhdimisht është zgjeruar në tokat shqiptare dhe ka arritur të shtrihet deri në Luginën e Preshevës. Nga viti 1878 e deri më sot vetëm dhunë është bërë mbi shqiptarët nga shteti serb. Tash shteti serb i përkrahur nga BE dhe SHBA po kërkon të organizohet Asociacioni i Komunave me Shumicë Serbe në Kosovë. Ky organizim është shumë i dëmshëm dhe bazë për ta luftuar me sukses Republikën e Kosovës, nga Serbia. Këtu nuk ka rëndësi se kush çka thotë dhe me cilat baza do të organizohet ky subjekt juridik serb në Kosovë. Kundruall kësaj të keqe të madhe është e rrugës që Prishtina dhe Tirana të angazhohen për bashkim në një shtet nacional shqiptar, me Shqipërinë. Natyrisht se ky bashkim mund të realizohet me kufijtë aktual të Kosovës ose me kufijtë e vitit 1956, me Kosovën Lindore brenda. Mirëpo, që çështja të ketë të ardhme, nëse nuk merren këto baza për kufi, është mirë që në mes shqiptarëve dhe serbëve të tërhiqet një kufi mbi bazën nacionale, ekonomike dhe historike të kombit që jeton në terren. Për shqiptarët janë të rëndësisë jetike Trepça, Mitrovica si qytet i bashkuar dhe liqeni i Ujmanit, në veri. Në perëndim është Lugina e Preshevës. Mos realizimi i kësaj vije kufitare me shtetin serb, por ndërtimi i asociacionit, është në kundërshtim me vetë raportet shqiptaro-serbe të acaruara deri në luftë. Me asociacion brenda Kosovës do të ketë lëvizje kriminale e terroriste të llojit të Banjskës, deri edhe te lufta frontale shqiptaro-serbe, do të vij në Ballkan. Kundruall faktit se serbët, të udhëhequr nga klika nacionale-raciste dhe kriminale e Beogradit, me ideologjinë e "bashkimit" të "botës serbe", vetëm terror, krim dhe gjakderdhje do të krijon në Kosovë. Këtu nuk ka rëndësi fare se çka deklaron z.Eskobar, z. Borel,z.Lajçak, apo çka del nga qendrat e vendosjes,si Berlini, Parisi, Londra a Uashingtoni. Asociacioni i komunave me shumice serbe në Kosovë është subjekt i "botës serbe". E kjo vetëm dhunë, terror e gjak do të sjell në Kosovë, pasi që assesi nuk mundë të ndalen aksionet terroriste, të llojit të Banjskës, për të ndërtuar "boten serbe". Duket se në qendrat ndërkombëtare të vendosjes kjo "botë serbe" nuk po "kuptohet" ose edhe më rëndë, kuptohet por i bëhen lëshime shtetit serb, për të ardhur nga perëndimi,duke ikur nga Rusia. Këtu qëndron edhe baza e asociacionit, e kritikës dhe e lëshimeve që po i bëhen Beogradit. Kosova po viktimizohet si në Kongresin e Berlinit, të vitit 1878, në Konferencën e Ambasadorëve,në Londër në vitin 1912/13 dhe në konferencat tjera, ku Kosova iu aneksua Serbisë. Këtë nuk duhet pranuar. Dy rrugë janë që çështja të përfundon. 1. Kosova shtet i pavarur dhe sovran, si çdo shtet tjetër, pa asociacionin serb, taman me status për minoritetin serb, si shqiptarët në Luginën e Preshevës ose 2. Tërheqjen e kufirit midis shqiptarëve dhe serbëve në bazë të dhënave historike dhe të interesit ekonomik, juridik dhe nacional. Besoj se tërheqja e kufirit me serbët, është bazë që siguron paqe. Çdo zgjidhje tjetër, me asociacion brenda, është lufte e re shqiptaro-serbe. Serbia nuk ndalet me përkëdhelje dhe me mjete paqësore. Beogradin e ndal vetëm forca.

Shkrimet në këtë rubrikë nuk shprehin qëndrimet e gazetës "Kosova Sot Online".