25 vite të ndritshme të punës informative të gazetës 'Kosova Sot'

Shkruan Gazetari Ismail Muçiqi. 

Lirisht mund të themi se Gazeta "Kosova Sot" e cila kremton 25 Vjetorin e punës ishte dhe mbeti Abetare në informimin e popullit të Kosovës. "Kosova Sot" me politikën e saj redaktuese dhe editoriale asnjëherë erërat dhe furtunat nuk arritën ta luhatin vijën e saj gjenerale në shërbim të lexuesve Shqiptarë.

Kjo gazetë ishte udhërrëfyese për gazetat tjera dhe mjetet e informimit që ishin në skenën informative të Kosovës. Mjerisht okupatori Serb me 24 Mars të vitit 1999 e dogji shtypshkronjën më moderne të Gazetës "Kosova Sot" e cila kishte vlerën mbi 5 milionë euro. Goditja e armikut ndaj kësaj Gazete dhe Redaksisë – pronarit Ruzhdi Kadriut ishte hakmarrje kundër mendimit dhe shprehjes së fjalës së lirë e cila në fokus kishte aplikimin e dhunës dhe diktaturën e Serbisë ndaj mjeteve të informimit në Kosovë, këtë e përjetojë mësë keqi “Gazeta "Kosova Sot"”. Duhet theksuar se gjatë punës 25 vjeçare të botimit të “Gazetës "Kosova Sot"” politika redaktuese dhe programore e kësaj redaksie asnjëherë nuk u largua nga rruga dhe misioni i saj kulturor duke qëndruar jashtë interesave partiake dhe jashtë klaneve politike.

Në të gjithat periudhat e daljes së kësaj Gazete u trajtuan temat më të ndryshme të aktualitetit politik, shoqërorë, ekonomik duke i vu në pahë të gjitha proceset pozitive por duke mos i lënë anash edhe kritikat në luftimin e dukurive negative në shoqërinë Kosovare. Kjo Gazetë trajtoj, botoj shumë artikuj duke luftuar pa kompromis krimin e organizuar, korrupsionin dhe dukuritë tjera negative me të cilat u ballafaqua shoqëria Kosovare dhe Institucionet e Shtetit të Kosovës. Përmes këtij mediumi informativ (gazetaresk) detyrën e gazetarëve e ushtruan dhe e kryen shumë emra dhe personalitete të kulturës, të politikës, të ekonomisë dhe të sferave tjera që përmes kësaj gazete dhanë kontribut të jashtëzakonshëm për të mirën e vendit. Në 25 vjetorin e Gazetës "Kosova Sot" të gjithë ata që punuan në këtë Redaksi fituan përvojë në sektorin e informimit dhe gjithnjë u avancuan duke krijuar emra të përveqshëm.

Nuk mund ta kapërcejnë kontributin që dha pronari i gazetës Ruzhdi Kadriu dhe vajza e tij Margareta Kadriu për ta mbajtur gjallë Gazetën e cila arriti të bëhet Gazetë e përditshme me cilësi dhe standarde të mediumeve tjera që botohen në Ballkan dhe në Shtetet e Evropës.

Me këtë rast marrë guximin që për nder të 25 vjetorit të fillimit të punës të Gazetës "Kosova Sot" në emër të gjithë Gazetarëve – Opinionist që kontribuan me vite me shkrimet me vlera idetoriale ti urojë punë të mbarë dhe suksese Redaksisë të kësaj Gazete, Gazetarëve e bashkëpunëtorëve e posaçërisht pronarit Ruzhdi Kadriut dhe familjes së tij. 

1 / 7

2 / 7

3 / 7

4 / 7

5 / 7

6 / 7

7 / 7