Kosova duhet ti bëjë presion më të ashpër Serbisë për ekstradimin e Radojçiqit së bashku me grupin e tij terrorist

Shkruan:ANALISTI - Muhamet Kelmendi

Këtë veprim duhet ta lidhi edhe me raportet ndërshtetërore dhe edhe të paraqet kusht për takime me shtetin serb, përgjegjësin e grupit të Radojçiqit dhe edhe te vetë shtetit serb.Akti i tillë është agresion i Serbisë ndaj Kosovës dhe me norma ndërkombëtare është e ndaluar dhe edhe e dënueshme.

-Sulmi terrorist në Banjskë është i dënueshëm me ligj dhe natyrisht se ka edhe përgjegjësi të rëndë penale. Krimineli Radojçiq po strehohet në Serbi. Ky është akt i ndalueshëm me normat ndërkombëtare dhe kërkohet të ekstradohet terroristi tek organet shtetërore të drejtësisë në Kosovë. Në fakt i tërë grupi duhet të ekstradohet në Kosovë dhe të përgjigjen. Këtë nuk e bënë Serbia. Për këtë shtet (Serbinë) është akti si në Banjskë i "ligjshëm" dhe hynë në kuadër të luftës "çlirimtare" të kombit serb. Së këndejmi nuk ekstradohet. Strehohet dhe mbahet në Serbi. Serbia është agresore dhe luftarake.

Lexoni edhe:

Gjermani Sarrazin e gozhdon Aleksandër Vuçiqin, të pranohen dhe kompensohen krimet e luftës

Nga Beogradi vijnë aktet terroriste edhe organizohen, udhëhiqen e armatosen. Këtu nuk ka "përgjegjësi" për shtetin serb. Përgjegjësia varet nga niveli i angazhimit të BE-së, të NATO-s dhe të SHBA-ve e Anglisë. Sa këto shtete e organizata angazhohen aq kemi edhe përgjegjësi për aktet e tilla terroriste të Serbisë në Kosovë. Për Kosovën është akt terrorist. E kërkon për të dhënë përgjegjësi dhe, edhe e sekuestron pasurinë e kriminelit Radojçiq në Kosovë. Kjo nuk ka fare të bëjë me arrestimin e Radojçiqit.

Kosova kërkohet që më ashpër të kërkon nga Serbia ekstradimin e grupit terrorist të aktit në Banjskë. Këtë veprim duhet ta lidhi edhe me raportet ndërshtetërore dhe edhe të paraqet kusht për takime me shtetin serb, përgjegjësin e grupit të Radojçiqit dhe edhe te vetë shtetit serb.

Akti i tillë është agresion i Serbisë ndaj Kosovës dhe me norma ndërkombëtare është e ndaluar dhe edhe e dënueshme. Kjo i jep fuqi Kosovës në raport me Serbinë, pranë mekanizmave ndërkombëtar, kudo në botë.

Shkrimet në këtë rubrikë nuk shprehin qëndrimet e gazetës "Kosova Sot Online".