Thirrja e ambasadorit gjerman për Asociacionit të merret parasysh miqësisht dhe urgjentisht

Shkruan: ANALISTI-Nexhat Haziri 

Thirrjet e ambasadorëve të shteteve mike dhe partnere të Kosovës, siç është rasti edhe me ambasadorin gjerman Rohde, drejtuar qeverisë së Kosovës për të lëvizur përpara me themelimin e Asociacionit të Komunave me Shumicë serbe, do të duhej të merren shumë seriozisht nga ana e Kosovës, konkretisht nga kryeministri Kurti.

- Kjo kërkesë e ambasadorit gjerman Rohde, vije në këtë moment shumë domethënës për Kosovën, kur vendi po shkon suksesshëm drejtë anëtarësimit në Këshillin e Evropës, dhe kjo falë edhe mbështetjes nga Gjermania dhe aleatët e tjerë, andaj them se injorimi i këshillave dhe thirrjeve sikur kjo e ambasadorit Rohde, do të ishte si një lloj "vetëvrasje" për Kosovën në raport me dështimin për tu bërë natarë e kësaj organizate. Kjo thirrje, kërkesë e ambasadorit Rohde, nuk është diçka e re, pasi që një kërkesë e tillë iu është parashtruar krerëve shtetëror të Kosovës edhe në një takim para ca ditësh të ambasadorëve të vendeve të QUINT-it që patën me Presidenten Osmani, kryeministrin Kurti, krye kuvendarin Konjufca, dhe po ashtu vet këta të fundit me anë të një letre drejtuar raportueses për Kosovën Dora Bokoyanis, zotohen për themelimin e Asociacionit të komunave me shumicë serbe.

Lexoni edhe:

Suksesi i Borut Pahorit në dialogun mes Kosovës dhe Serbisë varet nga qëndrimi i fuqive të mëdha BE-SHBA, interesi i tyre gjeo politik dhe strategjik

Dhe tani kjo duhet të bëhet, duhet të fillohet me këtë proces dhe kryeministri Kurti duhet të pushoj se llogarituri vetëm çështjet elektorale, mbi interesat e tij politike e partiake duhet ti vë ato të Kosovës. Bashkëpunimi dhe koordinimi me aleatët tanë në këtë proces, pra të anëtarësimit të Kosovës në Këshillin e Evropës, është e vetmja mundësi për ta anëtarësuar Kosovën në këtë organizatë dhe për ta mundur mposhtur Serbinë në këtë betejë shumë të rëndësishme diplomatike. Kosova duhet t;i ndjek hapat në këtë proces, siç është 16 prill e deri në finalizim të këtij procesi në muajin maj, duke e marrë seriozisht çdo këshillë, çdo kërkesë që vije nga partnerët tanë ndërkombëtar. Koha është për veprim!

Shkrimet në këtë rubrikë nuk shprehin qëndrimet e gazetës "Kosova Sot Online"