Shumica e deputetëve, as gojën nuk e kanë hapur për katër vjet

Shkruan: ANALISTI-Blerim Burjani

Kjo ishte legjislatura më e dobët e mundshme në historinë e demokracisë së Kosovës. Ndonëse një subjekt politik kishte shumicën parlamentare, produktiviteti ishte i dobët. Këta që ishin në pushtet, pothuajse shumica, nuk meritojnë më të votohen fare.

Lexoni edhe:

Lista Serbe nuk është sall një forcë politike, ajo është sa Beogradi, është komplet Vuçiçi

-Fatkeqësisht, shumica e tyre nuk kanë qenë fare aktivë; as gojën nuk e kanë hapur për katër vjet për të folur dhe për të qenë kontributdhënës. Pra, në mesin e tyre ka nga ata që nuk kanë folur asnjëherë, por vetëm kanë ngritur duart. Njerëz të tillë nuk duhet të kandidohen fare.

Mungesat e shumta dhe mungesa e kuorumit nuk mund të arsyetohen. Kjo nënkupton se i është shkaktuar dëm buxhetit, pa ndonjë përfitim për qytetarët. Nuk mendoj se duhet të kandidohen më njerëz të tillë që marrin paga pa arsye.

Nuk ka arsyetim për mungesën e kuorumit për miratimin e marrëveshjeve ndërkombëtare. Dëmi është i madh. Duhet që, nëse një deputet nuk vjen tri herë pa arsye në seanca, të largohet nga Kuvendi. Prandaj, duhet të ndryshohet ligji për deputetët.

Shkrimet në këtë rubrikë nuk shprehin qëndrimet e gazetës "Kosova Sot Online".