Lexoni edhe:
SHBA ka mbështetur Kosovën fuqimisht, por ka qenë edhe kritike kur Prishtina ka vepruar njëanshmërisht
110 deputetë të Kuvendit të Kosovës janë në përputhje të plotë deri më tani me idetë e Listës Serbe për bojkot
Nue Oroshi
Shkruan: ANALISTI-Nue Oroshi
Formimi i Parlamentit është duke u bojkotuar nga 100 deputetët shqiptarë dhe 10 deputetët e minoriteteve joserbe. Të gjithë këta 110 deputetë me këtë veprim janë në përputhje të plotë deri më tani me idetë e Listës Serbe për bojkot. Me një fjalë, këta 110 deputetë deri më tani po i zbatojnë 100 përqind idetë e Listës Serbe për ta bojkotuar Republikën e Kosovës.
-Ne e dimë se deri më tani i kemi pasur 10 deputetë të Listës Serbe që kanë punuar në favor të politikës serbe dhe për interesat e Serbisë në Kosovë. Por kurrë nuk e kam menduar se edhe 100 deputetët shqiptarë dhe 10 deputetët e pakicave joserbe do ta luajnë vallën e Beogradit dhe do të vihen komplet në shërbim të politikës së Beogradit, qoftë me vetëdije, qoftë pa vetëdije.
Me këtë dua të them se faji nuk është vetëm i opozitës, por faji është i 100 deputetëve shqiptarë në Parlamentin e Republikës së Kosovës. Të dështosh 30 herë me një kandidat dhe të propozosh prapë të njëjtën për Kryetare të Parlamentit, vërtet kjo është për ta vajtuar VV-në dhe politikën e saj me shami në dorë. Por edhe në anën tjetër, si nuk dolën së paku nga tre apo katër deputetë nga tri partitë e opozitës, që së paku të ngriten mbi interesat e partive të tyre dhe ta bëjnë votimin e kryetarit të parlamentit, në mënyrë që së paku të themelohet Parlamenti i Kosovës në mënyrë që të fillojë lufta politike për qeverinë.
Këtu frikohen të gjithë deputetët. Frikohen për faktin se pas konstituimit të Parlamentit të Kosovës duhet të formohet qeveria. E formimi i qeverisë ka afate kushtetuese. Për këtë dua të them se as pozita e sotme dhe as opozita, si duket, nuk janë të gatshme të qeverisin në këto rrethana politike.
Shkrimet në këtë rubrikë nuk shprehin qëndrimet e gazetës "Kosova Sot Online".
