Pse partitë politike të Kosovës nuk marrin mësim nga idetë politike të ish presidentit dr.Ibrahim Rugova?

Shkruan: ANALISTI-Nue Oroshi

Për ndërtimin e një konsensusi politik duhet të jenë dakord dy palët që ulen për bisedime për të gjetur një zgjidhje. Zgjidhja politike nuk zgjidhet asnjëherë kur ti i ngul këmbët 100% që të pranohet propozimi yt politik. Në këtë rast, së pari duhet krijuar një kornizë e përgjithshme në bazë të së cilës mund të zhvillohen bisedimet. Por, siç po e shoh, duket se më shumë po ju konvenon anarkia sesa krijimi i institucioneve të forta dhe të rregullta të Republikës së Kosovës.

Lexoni edhe:

Mulliqi: Kosovës po i bëhet tradhti e madhe! Po zgjohemi pa president të ri, duke shkuar në zgjedhje

-Të hysh në vitin e dytë me një krizë të thellë politike dhe të mos e gjesh zgjidhjen vetëm për shkak të dëshirës që të sundosh politikisht e jo të qeverisësh apo bashkëqeverisësh, kjo nuk është botë demokratike e qeverisjes. Pse partitë politike të Kosovës nuk marrin mësim nga idetë politike të Presidentit Historik të Kosovës, dr. Ibrahim Rugova? Ai dy herë i krijoi institucionet e Republikës së Kosovës, duke i dhënë pozitën e kryeministrit partive që qeverisën bashkë. Një herë i dha pozicionin e kryeministrit PDK-së, e herën tjetër AAK-së. Madje, ky veprim edhe i pati zbutur bukur shumë politikisht partitë e konfrontuara në mes vete në atë periudhë kohore.

Por, sido qoftë, të gjithë nuk mbesin në histori. Dikush mbetet në histori si figurë historike e unitetit dhe e pakapërcyeshme, e dikë e regjistron historia vetëm si kronikë e periudhës kohore, sa për të mos pasur zbrazëtirë kohore.

Shkrimet në këtë rubrikë nuk shprehin qëndrimet e gazetës "Kosova Sot Online".