Lexoni edhe:
Skenari i ndryshimit të kufijve, një lajm i rrejshëm i prodhuar nga Serbia
Nuk ka pajtim dhe marrëveshje me Serbinë, pa ndëshkim dhe kompensim!
Skender Mulliqi
Shkruan:ANALIST-Skender Mulliqi
Këtë amanet e përcolli me shumë dinjitet në fjalimin e saj në KS, të OKB edhe Ministrja e Punëve të Jashtme, znj. Donika Gërvalla, më një fjalim shumë të qartë dhe përmbajtjesor. Normalizimi i marrëdhënieve të ndërsjella nuk ka mundësi të behet, duke e ndjekur politikën ekspansioniste dhe grabitqare të Beogradit zyrtar agresiv. Normalizimi i marrëdhënieve bëhet vetëm mbi bazat parimore si dy shtete fqinje që jemi. Ka përfunduar koha kur agjendat e bisedimeve i ka caktuar Serbia e Vuçiqit, dhe nga ky kënd duhet shikuar edhe reagimet atë ditë në Këshillin e Sigurimit të Rusisë dhe të Serbisë, por të cilat reagime, kësaj radhe nuk pinë ujë.
Plani i Marti Ahtisarit, vendimi i GJND-së se pavarësia e Kosovës nuk bie ndesh më ligjet ndërkombëtare, pastaj Kushtetuta e Kosovës, janë dokumente valide të cilat flasin, së pranimi fillimit të dialogut më Serbinë gjenocidiale , pa asnjë kusht të vetëm, ka qenë gabimi më i madh , së pari i Grupit të Unitetit , e pastaj edhe i krerëve më të lartë të shtetit të Kosovës. Koha e tregoi se këto gabime shkuan në dëme të madh të Kosovës , e në dobi të Serbisë duke e faktorizuar atë në rajon shume padrejtësisht, jo krejt fajin e BE-se. Nuk u kërkua nga Serbia paraprakisht as një kërkim falje e vetme për viktimat e gjithë atyre civilëve të pafajshëm shqiptarë të luftës , të cilat u vranë në tokën e tyre.
Struktura e vjetër dhe e burokratizuar politike sikur i qiti në plan të parë interesat e tyre personale. Në planin e jashtëm bënë kompromise të dhembshme karshi shtetit serb .Nga 36 marrëveshje sa u nënshkruan nëse jam i saktë deri më tash më Serbinë , shumica nuk u implementuan nga Serbia , e disa marrëveshje kryesore që i firmosën Thaçi dhe Mustafa, preken statusin politike të Kosovës. Ky grup njerëzish gati i njëjtë në pushtetet e Kosovës, u sollën më pa përgjegjësi të madhe politike.
Lejuan që bisedimet e nivelit teknik të kthehen në bisedime krejt të karakterit politike , të cilat bisedime e cenuan sovranitetin dhe integritetin e Kosovës. U pranua që të nënshkruhet humbja e 8200 hektarëve tokë më Mal të Zi, paraprakisht u humben mbi 2000 hektarë tokë më Maqedoninë Veriore .Pastaj, erdhën lëshimet e radhës , si ishte Fusnota , Plani Gjashtë Pikësh i Ban Kimunit , dhe nënshkrimi i Asociacionit më Shumicë Serbe , jashtë Asociacionit të komunave shumicë shqiptare legjitime , që implemenetimi i formës të tillë , është ndarje e Kosovës mbi bazat etnike.
Të hetohen të gjitha rastet e dokumentuara të vjedhjes së buxhetit të shtetit
Lexoni edhe:
Ka ardhur koha edhe pse dëmet që na janë shkaktuar nuk janë hiq të vogla , ato të riparohen nga strukturat e reja politike në pushtet pas zgjedhjeve të 14 shkurtit. Vazhdimi i dialogut nuk ishte dashur të fillojë pa kërkim falje të Serbisë për gjenocidin e ushtruar . Kjo ishte e para. E dyta , të pranohet pavarësia e Kosovës. E treta , të kërkohen dëmet e luftës dhe suksesin. E katërta që është shumë qenësore të paditët pran Gjykatës Speciale, apo të formohet një gjykatë e veçantë ku do të trajtoheshin krimet dhe gjenocidi serbe në Kosovë, kur dihet së TPI-ja në Hagë , e Karla Del Pontës, nuk i kishte arrestuar edhe shumë kriminele serbë të luftës.
Sinjale pushtetit shovinist të Beogradit i janë dërguar nga presidenti amerikan , Joe Bajden dhe pushteti në Prishtinë , së vazhdimi i dialogut do të bëhet vetëm atëherë kur pranohet pavarësia Kosovës. Këtë amanet e përcolli më shumë dinjitet në fjalimin e saj në KS, të OKB edhe Ministrja e Punëve të Jashtme ,zonja Donika Gërvalla, më një fjalim shumë të qartë dhe përmbajtjesor. Normalizimi i marrëdhënieve të ndërsjella nuk ka mundësi të behet, duke e ndjekur politikën ekspansioniste dhe grabitqare të Beogradit zyrtar. Normalizimi i marrëdhënieve bëhet vetëm mbi bazat parimore si dy shtete fqinjë që jemi. Ka përfunduar koha kur agjendat e bisedimeve i ka caktuar Serbia e Vuçiqit, dhe nga ky kënd duhet shikuar edhe reagimet atë ditë në Këshillin e Sigurimit të Rusisë dhe të Serbisë, por të cilat reagime, kësaj radhe nuk pinë ujë.
Shkrimet në këtë rubrikë nuk shprehin qëndrimet e gazetës "Kosova Sot Online".
