Dështimi i shtetit erdhi nga “komandantët” që e kapën pas lufte sistemin e drejtësisë

Dështimi i shtetit erdhi nga “komandantët” që e kapën pas lufte sistemin e drejtësisë
Dështimi i shtetit erdhi nga “komandantët” që e kapën pas lufte sistemin e drejtësisë

Hajrullah Tërnava

  • 08 maj 2021 - 08:51

Shkruan: ANALISTI- Hajrullah Tërnava

E tërë kjo e keqe që iu ka bërë shtetit tonë,  është  si rrjedhojë e atyre proceseve të pasluftës, që është faktike se në qeverisje  erdhën njerëz “komandanta” të pa shkolluar, pa përvojë pune, të cilët e kishin të vetmin qëllim,  pasurimin e tyre, prandaj i emëruan shumë njerëz të besueshëm të tyre në institucionet e drejtësisë e që do të punonin sipas urdhrave të  shefit të tyre.  

Me vetë faktin që deri më tani jemi të bindur për të gjitha keq qeverisjet e deritashme,  nga pas lufta e deri me tani, është e kuptueshme që shteti i Kosovës është i bastarduar tej mase dhe i shndërruar në një oazë të krimit të organizuar dhe korrupsionit  vetëm nga ata që e qeverisën për dy dekada, për shkak të sistemit të degraduar dhe të dështuar të drejtësisë,  me njerëz që e shikonin vetëm xhepin e vet, e nuk bënin fare  punën sipas ligjit e provave nëpër lëndët gjyqësorë për të ndjekur dhe luftuar mafinë̈ e lidhur me politikën.Prandaj tani e sa vite e kemi të krijuar këtë gjendje të inkriminuar nëpër institucionet e shtetit të Kosovës. Për këtë arsye edhe nuk është aspak për tu habitur kjo mbyllja e qeshjeve gjyqësorë me porosi, interferime e kërcënime, sikur edhe me pagesa e ryshfete  për të  gjitha dosjet e  aferave korruptive e kriminale të zyrtarëve të lartë të shtetit dhe mafio-oligarkëve të bizneseve të pista, dhe shumë të tjera që mbahen e flenë̈ nëpër sirtarë̈ të zyrtarëve të drejtësisë, pa u hetuar e gjykuar me vite të tëra deri në parashkrim.

Kjo gjendje  flet mjaftueshëm për një̈ drejtësi të kapur nga një "virus kriminalo-kancerogjen të metastazuar" - që pamundësohej të shërohet me këta njerëz që sundonin si Sulltanët ose udhëhiqnin politikën në vend dhe e mbanin nën kontroll drejtësinë̈ e tyre “kukull e marionete” të krimo-politikës dhe nëntokës kriminale. Në bazë të kësaj që u shpjegua më lartë nënkuptohet pse  Prokuroria Speciale dhe ato themelore, edhe përkundër faktit se lëndët e kallëzimeve penale që i kanë të deponuara nga qytetarët në zyrat e tyre i mbanin dhe vazhdojnë t’i mbajnë në STATUS QUO ose edhe presin t’i mbyllin, pasi që bëhet fjalë për padi e kallëzime penale kundër zyrtarëve të lartë të shtetit: të ministrave, kryetarëve të komunave e edhe mafio-oligarkëve të inkriminuar kosovar, që zakonisht paraqet treshen më kriminale e me kërcënuese për vendin e shtetin tonë të kapur nga krimi.

Të gjithë ata që ishin të punësuar nga ata të mëdhenjtë e shtetit, e kishin për detyrë të përkujdesen dhe ti mbrojnë ata që i kanë emëruar në ato poste apo vende të punës, e mbrojtja e tyre nënkuptonte sikur të ngritën aktpadi për krimet e kryera të mëdhenjve të shtetit, të emëruarit nga ta e kishin për detyrë që lëndët të parashkruhen-vjetërsohen, sepse ata në ato vende të larta merrnin rroga të larta nga taksapaguesit e shtetit të tyre e kishte edhe nga ata që punonin edhe në shumë vende tjera të punës dhe i merrnin nga disa rroga. Një gjendje të tillë sikur e shpjeguam nënkupton se drejtësia  është zhytur në kaos, kur prokuroret as që guxojnë të merren me njerëzit e fuqishëm që janë bërë të paprekshëm “multi-milioner e miliarder”, kurse  në rastet kur ka ndonjë aktakuzë, nuk do të lodhet për ta, ajo së pari stërvonohet e prishen provat nga hetuesit sekserë e mandej edhe  nga gjyqësori në fund kur edhe përfundon odisejada pa ndonjë̈ rezultat ligjor. Situata e tillë e kriminalizuar tani e sa vite e ka dështuar dhe e ka kapitulluar në tërësi shtetin e së drejtës në Kosovë, duke mos arritur të përmbush as edhe funksionet themelore të tij ndaj qytetareve kosovar si një̈ detyrim ndaj shtetit dhe i pashmangshëm me ligj dhe kushtetutë. Me që tani situatën e krijuar në drejtësi në tërësi e kanë kuptuar qytetarët e vendit tonë, e që në pushtete  gjenden njerëz të pastër dhe të dijshëm, të cilët i fituan votat duke premtuar se do ti  luftojnë të këqijat e këtij vendi,  qytetarët besojnë dhe shpresojnë në ndryshimin e madh  të gjendjes pozitive.

Ky obligim ndaj shtetit dhe qytetarëve duhet të fillon ta jap rezultatet e veta shpejtë dhe në mënyrë  urgjente dhe emergjente,  që të intervenohet në bazë të ligjit dhe kushtetutës nga ana e kësaj qeverie, për ta çliruar sistemin e kapur dhe këndellur nga agonia prej më shumë se një dekade. Me këto veprime të mira ligjore  edhe qytetarë do ju  kthehet ajo shpresa e humbur e deritashme, duke besuar se megjithatë paska Kosova njerëz  të ndershëm që   dinë dhe duan të udhëheqin me shtet. 

Shkrimet në këtë rubrikë nuk shprehin qëndrimet e gazetës "Kosova Sot Online".