Ministria e drejtësisë duhet ta zë hapin duke “vrapuar” për një drejtësi funksionale të reformuar e të pastruar

Shkruan:ANALISTI- Dardan Grapci 

Reformimi i sistemit të drejtësisë është dashur të ndodhë thellësisht dhe substancialisht  menjëherë  në 2 vitet e para  pas shpalljes së Pavarësisë së shtetit të  Kosovës, e jo të improvizohet me ndryshime kozmetike, duke i lënë për vite të tëra institucionet e drejtësisë  nën çadrën e UNMIK-ut e të EULEXIT. 

Lexoni edhe:

Pse Evropa nuk po i sanksionon politikanët e Ballkanit Perëndimor sikur Amerika?

Agjenda e filluar e Ministrisë së drejtësisë me reforma konkrete në sistemin e drejtësisë është një operacion që duhet mbështetur dhe përshëndetur. Prandaj  është shumë mirë të  bëhet e zbatohet reforma e thellë më pakot e reja ligjore,  pasi në këtë pako ligjore për reformim të drejtësisë po merr pjesë edhe komisioni i Venecias si një nga mekanizmat me kredibil të kësaj fushe. Me procedimin në Kuvend dhe me aplikimin e saj sa më të  shpejtë, shumë prokuror, polic, biznesmen, politikan etj, do të hetohen për keqpërdorim të detyrës dhe për korrupsion.

Qytetarët e Kosovës e kanë pritur shumë gjatë këtë reformim dhe këtë  fuqizim të shtetit ligjor, prandaj uroj që edhe të zgjidhet në të ardhmen e afërt  Kryeprokurori i Shtetit që nuk ka asnjë  prapavijë politike dhe nuk ka anime familjare. Vetëm kur të zgjidhet një person me këto norma , atëherë drejtësia në vend do të këndellet dhe do të merr shumë poenë pozitive nga qytetarët e Republikës së Kosovës, pora akoma më shumë edhe nga vetë faktori ndërkombëtar si shtet serioz i së drejtës me standarde të avancuara demokratike.

Shkrimet në këtë rubrikë nuk shprehin qëndrimet e gazetës "Kosova Sot Online".