Serbia pritet të shtyhet për muri për të pranuar një marrëveshje përfundimtare me Kosovën

Shkruan: ANALISTI-Blerim Burjani

Në funksion të arritjes së marrëveshjes nga procesi i dialogut, dhe me qëllim të anëtarësimit të vendeve të Ballkanit perëndimor në BE, mund të pritet presion shumë më i madh, sidomos ndaj Serbisë e cila është e luhatshme për shkak të raporteve me Rusin.

Lexoni edhe:

Replikat Kusari-Tahiri, ky i fundit ngritet nga ulësja dhe ia lë në tavolinë statistikat për rrymën

Serbia pritet të shtyhet për muri për të pranuar një marrëveshje përfundimtare me Kosovën , nuk kanë mbetur rruge të shumta për të zgjedhur, pra duhet t pranohet një zgjidhje e mundshme , reale dhe e mundshme në zbatim. Pra marrëveshja duhet e pranueshme dhe të jetë kompromis në mes palëve. Gjithsesi, arritja e marrëveshjes në mes të dy vendeve dhe hapja e perspektivës për integrim në BE është interes jo vetëm i shteteve të Ballkanit por edhe i vetë Bashkimit Evropian. Përveç normalizimit të raporteve mes tyre, në këtë rrafsh kërkohen edhe reforma substanciale në fushën e së drejtës dhe sundimit të ligjit. Kjo është një arsye pse vjen i hapur edhe deklarimi i Përfaqësuesit të Lartë i BE-së për dialogun Kosovë-Serbi, Miroslav Lajçak, për mundësinë e anëtarësimit të Ukrainës në BE para shteteve të Ballkanit Perëndimor. Po sikur Kosova të ndërtonte një shtet ligjor normal me sundim të rendit dhe ligjit, do të ishte në një avantazh shumë të madh në këtë proces, si shtet me një demokraci të theksuar, respektim të të drejtave njerëzore , respektimin e ekonomisë së tregut, me një seriozitet dhe kulturë normale njerëzor. Në Kosovë akoma po konstatohet se po shkelen të drejtat elementare të njeriut. Kemi akoma papunësi të lartë për shkak se nuk ka kush të kujdeset për qytetarët, e ata janë të detyruar të marrin mbi vete mënyrat për të gjetur zgjidhje jetësore. Kjo është e vështirë edh për familjen edhe për vetë të rinjtë që po e braktisin shtetin për interesa jetësore e për shkak se grindët nuk mund të kujdesen për fëmijët e rritur. Tash është e vështirë dhe dëshpëruese për një të ri që në moshën 30 vjeçare të kërkoj para nga prindit. Për këtë arsye kemi interesim të shtuar nga të rinjtë që të ikin jashtë vendit dhe familjeve të tyre. Të gjitha këto probleme së bashku e bëjnë kompleks procesin e anëtarësimit dhe të integrimit të vendeve të Ballkanit Perëndimor në BE.

Shkrimet në këtë rubrikë nuk shprehin qëndrimet e gazetës "Kosova Sot Online".