Është koha e fundit që intelektualët të zgjohen nga gjumi

Shkruan:ANALISTI - Skënder Mulliqi

K a ardhur koha në Kosovë, që budallenjtë e politikës të cilët shumë folën e pak punuan të heshtën, të largohen përgjithmonë nga skena publike e politike. Me vite të tëra truri i mençur po heshtë, e budallenjve kurrë nuk ju pushojë goja. Sot, është koha e fundit që intelektualet të zgjohen nga gjumi, së moti kanë preferuar heshtjen para sfidave shoqërore dhe politike të Kosovës.

Republika e Kosovës gjendet para një momenti të kthesës historike. A e dëshirojmë një Kosovë të gjunjëzuar , apo e dëshirojmë një Kosovë të prosperuar? Sigurisht se e dëshirojmë këtë të dytën. E dëshirojmë një Kosovë më institucione të forta, më ekonomi të prosperuar, dhe një vend me standard të jetës shumë më të lartë . Pushtetet 20 vjeçare i kanë shkaktuar vendit dëme të pa parashikuara në planin politik dhe në planin e përgjithshëm zhvillimor. Sigurisht se tash nevojitet shumë kohë që nga kjo rënie të ngritemi, për ti sanuar të gjitha destrukcionet.

Lexoni edhe:

Dembelia dhe papërgjegjësia në prokurori dhe gjykata nuk duhet të tolerohet!

Bukur rrallë njeriu mund të sheh se si u rrënuan dhe u banalizuan ligjet dhe kushtetuta e vendit . Është shkallë e lartë e dëmit dhe sadizmit ndaj shtetit, të formës psiko-patologjike. Politikat jo të suksesshme e sollën ekonominë por edhe politikën para kolapsit. Dominuan ekstremet politike. Kosova e bë eldorado e keqbërësve të politikës dhe të biznesit .Kosova u bë pre e pasurimeve të pafundme jo ligjore. Na befasuan politikat e përfituese e zhvatëse. Nuk u kuptua së kush më kënd është. Na u ngatërruan punët , na u ngatërruan sistemet. Shumë pak u ruajt ndershmëria dhe dinjiteti .U demontuan proceset demokratike. Kosovën e sunduan dadiljet politike. Është vështirë të jetohet në një shoqëri të çrregulluar. U luhaten seriozisht interesat shtetërore , dhe u luhatë edhe identiteti nacional!

Ka ardhur koha në Kosovë, që budallenjtë e politikës të cilët shumë folën e pak punuan të heshtën, të largohen përgjithmonë nga skena publike e politike. Me vite të tëra truri i mençur po heshtë, e budallenjve kurrë nuk ju pushojë goja. Sot, është koha e fundit që intelektualet të zgjohen nga gjumi, së moti kanë preferuar heshtjen para sfidave shoqërore dhe politike të Kosovës. Mos të flasim për Akademin tonë më ndonjë përjashtim , e cila do të duhet të ishte prijetarja e të gjitha proceseve, e shumë pak po bënë punë të mira për Kosovën .Nuk folën as kur u formuan qeveritë, dhe nuk folën as pas formimit të tyre, nuk folën as për bisedimet maratonike politike Kosovë –Serbi, sikur po jetojnë krejt në një botë tjetër.

Lexoni edhe:

Vetting-u tash edhe me përkrahje nga BE-ja

Shtetin duhet ta udhëheqin njerëzit e mendjendritur , njerëzit më biografi të pastër, njerëzit më reputacion, të pa korruptuar, që nuk merren më ndërskamca e banalitete. Kosova që shumë kohë është ngulfatur në akrobacione politike, të cilat na kanë lëne shumë mbrapa. Sikur i kemi vu veti sanksione për të mos ecur ne hap më kohën. Një rreshtim i ri shoqëror dhe politikë, i duhet më shumë së kurrë këtij vendi!

Shkrimet në këtë rubrikë nuk shprehin qëndrimet e gazetës "Kosova Sot Online".