Pranvera ballkanike, a do të jetë nisja e procesit të rikonfigurimit dhe rirreshtimit të shteteve të Ballkanit Perëndimor

Shkruan:ANALISTI- Agim Bajrami

Siç duket, tani loja po luhet, tek pala kosovare, në emërtimin si 'palë jo konstruktive', madje, duke deklaruar, Emisari Amerikan për Ballkanin perëndimor z. Gabriell Escobar se Asociacioni i komunave kosovare me shumicë serbe' , do të formohej , me apo pa Kryeministrin Kurti. Dhe formimi i Asociacionit serb me insistimin e Escobarit, përmes disa " servilëve shqiptarë" do të paraqet revolta popullore dhe trazira ndër etnike , ndoshta edhe kjo është skenari i kërkuar ndërkombëtar, për ndarjen e Kosovës, përmes luftërave ballkanike me mundësi konfigurimin e ri Ballkanik, duke i fajësuar vetë ballkanasit për skenarët e tyre.

Situata e tanishme e rajoni të Ballkanit është çështja më e komplikuar , se ajo e viteve të 90-ta. SHBA-të i kanë zgjedhjet në vitin 2024 , që edhe atje ka mjaft të pa pritura për gjatë zgjedhjeve amerikane. Këndej nesh në Evropë,lufta në Ukrainën e cila do të vazhdoj, përderisa nuk ka palë fituese dhe humbëse në terren, dhe nuk do të ketë përfundim të luftës në Ukrainë. Ballkani perëndimor po vlon nga frika e luftës në Ukrainë, dhe pasiguria e shteteve në rajon.

Lexoni edhe:

Me skandalin Rama-McGonigal vjen tërmeti i madh i shembjes së krimit politik dhe diplomatik në lidhjen e gjatë transatlantike amerikano-ballkanike

Asnjëra palë , si Serbia dhe as Kosova , nuk është në gjendje të pranoj, propozimin evropian , për normalizimin e marrëdhënieve Kosovë -Serbi. Serbia nuk guxon të pranoj propozimin evropian , edhe nga presioni i brendshëm serb, dhe as nga aleati i saj rus , por edhe nga mosbesimi ndaj perëndimit. Kosova , gjithashtu po hynë në fazën e rrezikshme ,nga insistimi i emisarit amerikan, z. Gabriell Eskobar, për formimin e Asociacionit serb në Kosovë e që kjo është ndarje de fakto e Kosovës, ku Kryeministri Kurti, nuk do të mund ta pranoj , por edhe shumica e shqiptarëve, mbasi Asociacioni i formuar serb, paraqet rrezik për destabilizim e Qeverisë Kurti, e përcjellur me trazira.

Bashkësia ndërkombëtare ,nga pesëshja e emisarëve për ndërmjetësim të palëve për arritjen e marrëveshjes, po insistojnë , se marrëveshja nga palët duhet të arrihet me çdo kusht madje siç thuhet deri kah fundi i këtij marsi, kjo më tepër do të shkaktoj destabilizim të Ballkanit ,se sa normalizimin e marrëdhënieve Kosovë-Serbi. Bashkësia ndërkombëtare, po e zhvillon presionin tek palët, për arritjen e marrëveshjes, që nuk mund ta bëjnë, dhe nuk janë në gjendje dhe të gatshme ta bëjnë në mënyrë paqësore. Bashkësia ndërkombëtare, presionin e ka përqendruar në emërtimin e palës 'jo konstruktive' përgjatë procesit të marrëveshjes, që do ti pritnin masat e ndryshme të izolimeve dhe sanksioneve ndërkombëtare.

Lexoni edhe:

Të gjithë kundër: Jo Asociacionit një nacional serb në Kosovë

Siç duket, tani loja po luhet, tek pala kosovare, në emërtimin si 'palë jo konstruktive', madje, duke deklaruar, Emisari Amerikan për Ballkanin perëndimor z.Gabriell Escobar se Asociacioni i komunave kosovare me shumicë serbe' , do të formohej , me apo pa Kryeministrin Kurti. Dhe formimi i Asociacionit serb me insistimin e Escobarit, përmes disa " servilëve shqiptarë" do të paraqet revolta popullore dhe trazira ndër etnike , ndoshta edhe kjo është skenari i kërkuar ndërkombëtar, për ndarjen e Kosovës, përmes luftërave ballkanike me mundësi konfigurimin e ri Ballkanik, duke i fajësuar vetë ballkanasit për skenarët e tyre. Pranvera e këtij viti, ka të ngjarë,se do të jetë pranvera ballkanike, e rikonfigurimit ballkanik' , përmes luftërave të skenarit Escobar?!.

Shkrimet në këtë rubrikë nuk shprehin qëndrimet e gazetës "Kosova Sot Online".